title

Италиянинг мафияга қарши полицияси 16 январь куни Сицилиянинг Палермо шаҳридаги поликлиникасида супербосс — Маттео Мессина Денаронинг шов-шувли ҳибсга олинишидан икки ҳафта ўтиб, яна бир мафиячини қўлга олди.

Бу сафар полициячилар Франциянинг Сент-Этьен шаҳрида кўп йиллар давомида пицца тайёрловчи ошпаз сифатида ишлаб келаётган 63 ёшли Саффе Россинида (Эдгардо Греко — ҳақиқий исми) қўлга олди.

Калабриялик Ндрангхетага алоқадор Греко 1991 йилда ака-ука Стефано ва Жузеппе Бартоломеоларни ўлдириб, уларнинг жасадларини кислотада эритганликда айбланган. Унга нисбатан суд жараёни бошланганидан кейин, Греко ҳуқуқ-тартибот идораларидан қочган.

Калабриядаги Катанзаро прокуратураси раҳбари сифатида терговга раҳбарлик қилган мафияга қарши прокурор Никола Граттери уни “хавфли қочқин” деб атади.

Греко, шунингдек, бир нечта қамоқхона ходимларини ўлдиришга уринишда айбдор деб топилиб, унга “Қамоқхона қотили” лақаби берилган.

Италиянинг мафияга қарши полицияси тўртта йирик мафиоз ҳамон яширинганлигини ва бир нечта кичик шахслар қочиб кетаётганини айтди.

Италия ҳукуматининг мафияга қарши веб-сайтида кучли тўртлик рўйхати келтирилган.

Булар:

48 ёшли Пасқуале Бонавота — 2018 йилдан бери қочиб юрган ва Калабрия Ндрангхетасига алоқадор мафия жиноятларида айбланган.

64 ёшли Жованни Мотиси — Сицилия Коза Нострасининг аъзоси, Сицилияда қотиллик ва мафия билан алоқадорликда айбланган 1998 йилдан бери қочиб юрган.

Неаполитан Каморрадан 73 ёшли Ренато Цинкегранелла — қотиллик, қурол сақлаш ва товламачиликда айбдор деб топилганидан кейин 2002 йилдан бери қочқинликда юрибди.

75 ёшли Аттилио Кубедду эса 1997 йилдан бери бир неча ўғирлаш айбловлари билан судланган ва Италиянинг энг хавфли қочоқларидан бири ҳисобланган.