title

Сўнгги янгиликлар

09:50 / 2025-01-11 30

ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди

17:24 / 2025-01-04 467

Сторителлинг ва мутолаанинг инсон ривожидаги ўрни...

15:53 / 2024-12-26 1139

Парламентда Нукус воқеалари бўйича тузилган комиссия ахбороти тингланди

17:32 / 2025-01-04 1288

Навоийга Монголиядан 1000 бошга яқин Баят зотига мансуб қўйлар олиб келинди

14:31 / 2024-12-19 1757

Фаоллар айтаётган “иқтидор” эгаси оддий “Виртуал валютачи” бўлган...

19:41 / 2024-12-18 1649

Рустам Минниханов бошчилигидаги Татаристон делегацияси Навоий вилоятига ташриф буюрди

22:41 / 2024-12-16 2392

Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада

21:03 / 2024-12-16 1957

Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди

10:47 / 2023-02-01 378 0 Сиёсат

Тошкент шаҳар Ободонлаштириш бош бошқармасига вақтинча бошқарувчи тайинланди

Аввалроқ Бахтиёр Раҳмонов Тошкент шаҳрининг собиқ ҳокими Жаҳонгир Ортиқхўжаевнинг ўринбосари бўлган икки кишини ишдан олган эди.

Рустам Юсупов Тошкент шаҳри ҳокимлиги ҳузуридаги Ободонлаштириш бош бошқармаси бошқарувчиси вазифасини вақтинча бажарувчи этиб тайинланди. Бу бўйича пойтахт ҳокими вазифасини бажарувчи Бахтиёр Раҳмоновнинг 31 январь кунги фармойишида келтириб ўтилган.

Юсупов шу пайтга қадар бош бошқарма бошқарувчиси (Анвар Умаров)нинг биринчи ўринбосари вазифасидан ишлаб келаётганди.

Газета.uz маълумотига кўра, у 1986 йил 12 ноябрда Наманган вилояти Чортоқ туманида таваллуд топган. Тошкент давлат аграр университети (2008) ва Ўзбекистон президенти қошидаги давлат бошқарув академиясини (2020) тамомлаган.

2007 йилдан 2020 йилгача Юнусобод тумани Ободонлаштириш бошқармасида фаолият юритган Рустам Юсупов 2020 йил ноябрь ойида шаҳар ободонлаштириш бош бошқармасига ишга ўтган.

Собиқ раҳбар Анвар Умаров эса ўз хоҳишига кўра эгаллаб турган лавозимидан озод этилган. Бу ўзгариш ҳоким в.б. Бахтиёр Раҳмоновнинг 27 январдаги қарорида келтириб ўтилган. Анвар Умаровнинг ўзи ушбу лавозимда 2021 йилнинг ноябрь ойи охиридан бери ишлаб келаётганди (Санжар Уматов ўрнига тайинлаганди).

Бунгача у Президент қарори билан аҳолини электр ва газ билан таъминлашдаги инқироз туфайли ишдан олинган собиқ ҳоким Жаҳонгир Ортиқхўжаевнинг ёрдамчиси бўлиб ишлаган.

Эслатиб ўтамиз, Бахтиёр Раҳмонов аввалроқ собиқ ҳокимнинг ёрдамчиси сифатида фаолият юритган ва унга энг яқин одамлардан бири бўлган Музаффар Абдураҳмоновни ишдан бўшатганди.