Сўнгги янгиликлар
Истанбул 18–21 сентябрда Босфор Кубоги 2025 қайиқлар пойгасига мезбонлик қилади
Ҳамюртимиз “Юксак эҳтиром” халқаро эсдалик кўкрак нишони билан тақдирланди
Фарғона деҳқон бозоридаги нарх-навo халқ учунми ёки…
Сентябрдан бошлаб мигрантлар илова орқали кузатилади
Касб ва хорижий тилларга ўқитиш учун ваучер бериш тартиби белгиланди
Касб ва хорижий тилларга ўқитиш учун ваучер бериш тартиби белгиланди
Фарғонада уй боғчасида 43 нафар болага ноқонуний диний сабоқ бериб келингани аниқланди
Ўзбекистон ва Иордания ўртасида 15 та ҳужжат имзоланди
Қозоғистон полициячилари ўзбекистонлик эркакни 200 минг тенге ва олтита қўй эвазига сотиб юборишди
Бир неча ой тутқунликда сақланган эркакнинг ҳаёти хавф остида. У Қозоғистон президентига мурожаат қилди.
Қозоғистон полициячилари 200 минг тенге ва олтита қўй эвазига ўзбекистонлик эркакни қул сифатида сотиб юборган. Бу ҳақда NewTimes.kz хабар бермоқда.
Қайд этилишича, Ўзбекистон фуқароси Қозоғистонда 10 йилдан бери яшаб келган, аммо орада шахсни тасдиқловчи ҳужжатларини йўқотиб қўйган.
Дастлаб маҳаллий полициячилар ундан 200 минг тенге сўрашган, лекин эркак уларнинг талабига кўнмаган. Шундан сўнг, Жатас тумани полициячилари уни дўппослаб, 200 минг тенге ва 6 та қўй эвазига сотиб юборишган.
Ўзбекистон фуқароси бир неча ой давомида номаълум шахслар томонидан мунтазам равишда мажбуран меҳнатга жалб этилган. Кейинчалик у зўравонларда қочиб кетиб, ҳуқуқни муҳофаза қилувчи органларга мурожаат қилган.
“Ушбу мурожаатим Президентгача етиб бориши учун барчадан видеони кенгроқ тарқатишни илтимос қиламан. Менда уч нафар болам бор. Менга нима иш бўлса, барчасини қилдиришди, бундай ҳаётдан чарчаб кетдим. Энди улар мени қидиришмоқда ва ўлдириш билан таҳдид қилишмоқда. Мухтарам президент мени қутқаринг”, — дейди у.
Мазкур ҳолат юзасидан Қозоғистон Жиноят кодексининг 362-моддаси 4-қисми (Ҳокимият ёки мансаб ваколатларини суиистеъмол қилиш) билан жиноят иши қўзғатилган. Тергов алоҳида назоратга олинди.
