Сардор Умурзоқов газ масаласида яна бир марта Туркманистонга борди

Президент администрацияси раҳбари Сардор Умурзоқов газ масаласида Туркманистон пойтахти Aшхободга борган.

“Хроника Туркменистана” нашрига кўра, 14 январь, шанба куни президент маъмурияти раҳбари Сардор Умурзоқов музокаралар учун Aшхободга борган. У ерда тегишли шахслар билан газ масаласи муҳокама қилинган.

Маълумки, Туркманистон 12 январдан бошлаб “Дарёлиқ” станцияси орқали Ўзбекистонга газ етказиб беришни тўхтатган эди. Бу ҳудуддаги беқарор иқлим муҳити яъни ғайритабиий совуқлар туфайли техник сабабларга кўра содир бўлгани айтилади.

Паст ҳароратлар “Галканиш” газ конденсати конининг кон ичидаги коммуникацияларида гидрат ҳосил бўлишига олиб келган.

Айнан шу сабабларга кўра Туркманистон-Ўзбекистон-Қозоғистон-Хитой газ қувури орқали Хитойга газ экспорти сезиларли даражада камайган.

Эслатиб ўтамиз, 2022 йил 12 декабрь куни Сардор Умурзоқов Ашхободга ташриф буюриб, Туркманистон президенти Сердар Бердимуҳаммедов билан учрашган эди.

Effect.uz’га Умурзоқов ташрифида Ўзбекистонга қўшимча равишда кунига 20 млн куб метр газ (3 ойда жами 1,5 млрд куб метр) бериш бўйича келишувга эришгани ва бу бўйича шартнома имзолангани маълумдир.

Ўшанда янги лойиҳа амалга ошадиган бўлса, Ўзбекистонда қиш кунларида юзага келган газ муаммоси тўлиқ ҳал қилиниши мумкинлиги айтилган эди, бироқ ҳозирги шароитлардан келиб чиқиб, бу лойиҳанинг амалга ошиши кечикаётганлигини кўришимиз мумкин.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг