title

Бугун, 14 январь куни Бухорода Қурилиш ва уй-жой коммунал хўжалиги вазири Ботир Зокиров бошчилигида шаҳар марказида “Туризм шаҳарчаси” қурилиши юзасидан матбуот анжумани ўтказилмоқда. Унда масъуллар, сектор раҳбарлари, журналист ва блогерлар ҳамда кенг жамоатчилик вакиллари иштирок этмоқда.

Бухоро вилояти ҳокими айни кунда ижтимоий тармоқларда тарқалаётган воқеаларга изоҳ берар экан, шаҳар ҳудудида бузилиши кўзда тутилган 19 та бинонинг 11таси тадбиркорларга тегишли эканини, бирорта фуқаронинг манфаатига зарар етказилмаслигини айтди.

“Бузаладиган жойларда бирорта фуқаронинг яшаш жойи йўқ, уларнинг манфаатига зарар етмайди. Вилоят ҳокимлиги биносига келсак, бизга бунча катта бинонинг кераги йўқ. Инвестор стадионнинг янгисини аввалгисидан яхши қуриб берганидан кейин бу масалани кўриб чиқамиз. Дарахтлар максимум сақлаб қолинади. 11 гектар жой яшил майдон бўлади. Албатта, булар фақат таклиф”, — деди Ботир Зарипов.

Шунингдек, Бухоро вилояти ҳокими туризм шаҳарчасини қуриш таклифи билан чиқилганини, вилоятнинг яқин келажакдаги асосий йўналиши туризм бўлишини таъкидлади.

“2025 йилга бориб туристлар оқимини 8-10 миллионга етказмоқчимиз. Айни кундаги шаҳар инфратузилмаси туристларни кутиб олиш талабига жавоб бермайди. Шаҳардан икки минг машина аҳлат чиқардик”, — деди вилоят раҳбари.

Шунингдек, Зариповнинг айтишича, вилоятдаги кўп тарихий обидалар қулаш арафасида турибди.

“Уларни реконструкция қилиш учун 40 миллард сўм ажратилди”, — дейди вилоят ҳокими.

Изоҳлар 3

Гафурова Мохира

2023-Jan-14 18:57

Тайёр спорт майдонини бузиш шартми.Хеч Ким халк дардини эшитмайди.Хозирги бинолар тез ва сифатсиз куриляпти буни гувохи буляпмиз.Халкни фикри инобатга олинса яхши булар эди