EFFECT.UZ – ҲАҚИҚАТ УЧУН!
Сўнгги янгиликлар
Молиянинг собиқ вазирлари ҳозир қаерда?

Молиянинг собиқ вазирлари ҳозир қаерда?

Ўзбекистон тарихида шу пайтгача нечта молия вазири тайинланган? Энг муҳим масала улар қаерларда ўқиган ва ҳозир нима ишлар билан банд? Бугун шу саволларга жавоб излаймиз...

Эркин Боқибоев — (1991-1996)

Эркин Боқибоев мустақил Ўзбекистон тарихидаги биринчи Молия вазири ҳисобланади. У 1934 йилда Тошкент шаҳрида хизматчи оиласида туғилди. 1957 йилда Тошкент молия-иқтисод институтини (ҳозирги Тошкент давлат иқтисодиёт университети) тамомлаган.

У 1999 йилдан умрининг охиригача “Нуроний” жамғармасининг Марказий кенгаши раиси сифатида фаолият кўрсатган. Унинг кўп йиллик самарали меҳнати давлат томонидан муносиб тақдирланди. Эркин Боқибоев Ўзбекистонда хизмат кўрсатган иқтисодчи фахрий унвони, “Дўстлик”, “Эл-юрт ҳурмати”, “Меҳнат шуҳрати” орденлари билан мукофотланган эди. У 2016 йилда 82 ёшида ҳаётдан кўз юмган.

Бахтиёр Ҳамидов — (1996-1998)  

Бахтиёр Ҳамидовнинг қаерда таҳсил олганлиги тўғрисида очиқ маълумотлар мавжуд эмас. 2018 йилда ўша пайтда 72 ёшни қаршилаган Бахтиёр Ҳамидов Ўзбекистон банклар ассоциациясининг бош директори этиб тайинланди ва ҳозиргача ушбу лавозимда ишлаб келмоқда.

Шунингдек, макроиқтисодиёт ва статистика вазири (2000 йилгача), Қашқадарё вилояти ҳокими (2000—2002), бундан ташқари, ҳозирги “Ипотека банки” раиси лавозимларида фаолият юритган.

Рустам Азимов — (1998-2000) ва (2005-2016)

Рустам Содиқович Азимов – 1958 йил 20 cентябрида Тошкентда туғилган. Таниқли физик олим, академик Содиқ Азимовнинг ўғли ҳисобланади. У бир қанча олий таълим муассасаларини тамомлаган, жумладан, Тошкент Давлат университети, Тошкент ирригация ва қишлоқ хўжалигини механизациялаш институти, магистратура босқичини Буюк Британиядаги Оксфорд университетида ўқиган. 1992 йилда Европа тикланиш ва тараққиёт банкининг Ўзбекистон бўйича бошқарувчиси лавозимида бўлган. 2001 йил – корхоналарнинг банкротлик ва санацияси масалалари бўйича ҳукумат комиссияси раиси. 2016 йилда Вазирлар Маҳкамасининг фармони билан Республика Олий ва ўрта махсус таълим вазирлиги Бош вазир ўринбосари, ўша пайтдаги молия вазири Рустам Aзимовнинг ваколатига ўтказилган. Вазирлик раҳбарияти тўрттага қисқартирилиб, марказий аппаратлар сонидаги чекловлар бекор қилинган. Шундай қилиб Aзимов молия билан бир қаторда таълим ва фан соҳаларига ҳам раҳбарлик қилган. Рустам Азимов 2016 йилнинг 15 декабрь куни Молия вазири лавозимидан бўшатилди. Унинг ўрнини эса 2011-2016 йилларда — Ўзбекистон Республикаси иқтисодиёт вазирининг биринчи ўринбосари бўлган  Ботир Хўжаев эгаллади. Рустам Азимов 1998-2000 йилларда молия вазири бўлган. Шу билан бирга 2000 йилда Молия вазири бўлиши билан бир қаторда Ўзбекистон Республикаси Бош вазирининг ўринбосари вазифасини параллел олиб борган. Кейинчалик, орада 2000-2003 — Ўзбекистон Республикаси Бош вазирининг ўринбосари — Макроиқтисодиёт ва статистика вазири, 2003-2005 — Ўзбекистон Республикаси Ташқи иқтисодий алоқалар вазири лавозимларида хизмат қилган. Шундан сўнг, 2005-2008 — Ўзбекистон Республикаси Молия вазири сифатида аввалги фаолиятига қайган.

2008 йил 22 ноябрдан 2016 йилгача — Ўзбекистон Республикаси Бош вазирининг биринчи ўринбосари — Молия вазири, макроиқтисодий ривожлантириш мажмуаси раҳбари сифатида ишлаб келаётган эди. Азимов 2017 йил 6 июнь куни ҳукуматдаги барча лавозимларидан озод этилиб (Жамшид Қўчқоров бош вазир ўринбосари сифатида тасдиқланган), “Ўзбекинвест” экспорт-импорт миллий суғурта компанияси Бош директори этиб тайинланган, айни вақтда ҳам у мазкур лавозимда иш олиб бормоқда. "Фидокорона хизматлари учун", "Меҳнат шуҳрати" орденлари билан тақдирланган.

Мамаризо Нурмуродов — (2000-2004)

Мамаризо Нурмуродов 2000-2004 йилларда Молия вазири бўлган. У 1960 йилда Самарқанд вилояти Ургут туманида туғилган. 1977 йилда Тошкент халқ хўжалиги институтига ўқишга кирган. 1982 йилда Ленинград иқтисодиёт-молия институтини битирган. 1982-1985 — Тошкент халқ хўжалиги институти ўқитувчиси. 1985-1988 — Москва молия институти аспиранти. 1989-1993 — Тошкент халқ хўжалиги институти доценти. 1993-1996 — Ўзбекистон Республикаси Марказий банки илмий тадқиқотлар маркази директори. 1996-2000 — Ўзбекистон Республикаси Марказий банки раисининг биринчи ўринбосари. 2004-2006 — Самарқанд вилояти ҳокими. 2006-2017 — Ўзбекистон Республикаси Марказий банки раисининг маслаҳатчиси. 2017 йилдан ҳозиргача — Ўзбекистон Республикаси Марказий банки раиси.

Саидахмад Раҳимов — (2004-2005)

Саидаҳмад Раҳимов 2004-2005 йилларда Тошкент қишлоқ хўжалиги институтини тамомлаган. Иқтисодиёт фанлари номзоди. 1993—1995 йилларда — Ўзбекистон Республикаси Марказий банки Пул-иқтисодиёт бош бошқармаси таҳлил бўлими бошлиғи, Пул-кредит сиёсати бошқармаси таҳлил маркази бошлиғи, кредитни тартибга солиш бошқармаси бошлиғи вазифасини бажарган.

2002 йил 28 июндан 2003 йил июнгача - Ўзбекистон Республикаси Ҳисоб палатаси раиси. 2003-2004-йиллар июнь ойидан Ўзбекистон Республикаси Президентининг ижтимоий-иқтисодий сиёсат масалалари бўйича Давлат маслаҳатчиси. Ҳозирги фаолияти тўғрисида маълумотлар йўқ.

 Ботир Хўжаев — (2016-2017)

Ботир Хўжаев 2016-2017 йилларда Молия вазири бўлиб ишлаган. У 1956 йилда туғилган, 1979 йилда Тошкент темир йўл муҳандислари институтини тамомлаган. 1992−1996 йилларда - Тошкент шаҳар Чилонзор тумани ҳокимининг биринчи ўринбосари ва Тошкент шаҳар ҳокимининг ўринбосари бўлиб ишлаган, 1996−1997 йилларда - Давлат мулки қўмитаси раисининг биринчи ўринбосари, 1997−1998 йилларда - Вазирлар Маҳкамаси Ахборот-таҳлил бошқармаси бошлиғи ўринбосари, 1998−2002 йилларда - Солиқ қўмитаси раисининг биринчи ўринбосари ва раиси, 2002−2005 йилларда Вазирлар Маҳкамасининг Ахборот-таҳлил бошқармаси бошлиғи лавозимларида фаолият кўрсатган.У 2005−2006 йилларда - Президентнинг ижтимоий-иқтисодий масалалар бўйича давлат маслаҳатчиси бўлган, 2006−2009 йилларда - Иқтисодиёт вазири, 2009−2011 йилларда — бош вазир ўринбосари - Давлат архитектура ва қурилиш қўмитаси раиси, 2011−2016 йилларда - Иқтисодиёт вазирининг биринчи ўринбосари сифатида ишлаган. 2016 йилдан Молия вазири лавозимида ишлаган Ботир Хўжаев 2017 йилда Иқтисодиёт вазири лавозимига ўтказилган, 2019 йил январида президент фармони билан бу вазирлик қайта ташкил этилиб, Иқтисодиёт ва саноат вазирлигига айланган, Хўжаев вазирлик раҳбари сифатида лавозимини сақлаб қолганди.

2020 йилнинг февралида у бош вазир маслаҳатчиси лавозимига тайинланиб, пенсияга чиққанлиги туфайли ўша йилнинг апрель ойидаёқ вазифасидан озод қиланган эди. Аммо Ботир Хўжаев 2020 йилнинг ўзидаёқ, “Росгеология”нинг Ўзбекистондаги Rosgeo Uzbekistan ширкатига раҳбар бўлди. “Росгеология” бир қатор лойиҳаларни амалга ошириш ва ҳамкорликнинг бошқа йўналишларини ривожлантириш учун Ўзбекистонда Rosgeo Uzbekistan компаниясини ташкил қилган эди. 

Жамшид Қўчқоров — (2017-2020)

Жамшид Анварович Қўчқоров 1964 йил 19 октябрда Самарқанд вилояти Каттақўрғон туманида туғилган. 2017-2020 йилларда Ўзбекистон Республикаси Бош вазирининг макроиқтисодий таҳлил ва башорат қилиш, молия ва банк тизимларини ислоҳ қилиш, хусусий тадбиркорлик ва кичик бизнесни ривожлантириш бўйича ўринбосари лавозимида ишлаган, Ўзбекистон Молия вазирлигини бошқарган.

2020 йил 24 январдан бошлаб, ҳозиргача Ўзбекистон Республикаси Иқтисодий тараққиёт ва камбағалликни қисқартириш вазири лавозимида ишлаб келмоқда. Иқтисод фанлари номзоди. Маълумотига тўхталадиган бўлсак,1985 йилда Тошкент Халқ хўжалиги институтини (Тошкент давлат иқтисодиёт университети), 1996 йилда Колорадо университетини (АҚШ) тугатган. 

Тимур Ишметов (2020 йилдан – ҳозиргача)

Ишметов 2020 йил 20 февралдан бошлаб Ўзбекистон молия вазири. У 1979 йилда Тошкентда туғилган. 2000 йилда Тошкент молия институтининг “Молия ва кредит” факультети, 2005 йилда Бирмингем университетининг International Money and Banking йўналишида магистратура босқичини, 2007 йилда -Тошкент юридик университетининг ҳуқуқшунослик факультетини тамомлаган.

Меҳнат фаолиятини 2000 йилда Марказий банк иқтисодчиси лавозимидан бошлаган. 2017 йил апрелигача турли лавозимларда фаолият кўрсатган. Жумладан, турли вақтларда МБнинг Монетар операциялар департаменти, Халқаро резервларни бошқариш департаменти, Ички валюта бозоридаги операциялар ва Валюта бошқаруви ва назорати департаментига раҳбарлик қилган, 2017-2019 йилларда Марказий банк раиси ўринбосари бўлган.

«Улашинг»

Fahriddin
Fahriddin 13 мая 2022 12:04
Qancha Pora olgan va qanchasi chet elga chiqib ketgani xaqida gap bo'lishi kerak edi. Afsuski bu xaqida gap yo'q... Masalan R.Azimov tog'risida yozish mumkin edi...
Jamshid Baratov
Jamshid Baratov 8 июня 2022 14:58
Timur Eshmetov obektivkasida xato joyi bor 2007 yil Yuridik Unverstet bolmagan institut bolgan qolaversa Yuridik Institutda huquqshunoslik fakulteti mavjud emas
test
test 6 июля 2022 18:00
Bunday qilib ske editor urnatilmaydida fikr bildirishga eeeeeeeeee
  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING