Сўнгги янгиликлар
Мурожаатлар Президентгача етиб бормаяпти, ёхуд енгилган курашга тўймас…
Терговчи ва судьянинг хатоси – «хато», оддий фуқароники эса – «жиноят»ми?
"Уч қаҳрамон" бозоридаги ёнғинда 74 млрд сўм зарар кўрилган
“Афросиёб” тезюрар поездига нисбатан қўпорувчилик ҳаракати содир этган темирйўлчилар узоқ муддатга озодликдан маҳрум қилинди
Янги Тошкент метро линияси 2026 йилда қуриб битказилади
Ўзбекистон юқори даромадли давлат бўлиши учун 100 йил керак
Хорватияга ишга юборишни ваъда қилган фирибгарлар ушланди
Миграция агентлиги хориждаги фуқароларни уруш хавфидан огоҳлантирди
Тарихда илк бор инсонга чўчқа жигари кўчириб ўтказилди
Хитойнинг Сиан шаҳридаги 4-ҳарбий тиббиёт университети олимлари биринчи марта генетик жиҳатдан ўзгартирилган чўчқа жигарини комадан чиқмайдиган беморга кўчириб ўтказиш бўйича экспериментал жарроҳлик амалиётини ўтказишди.
Орган олтита ген таҳрирланган чўчқадан олинган. Қабул қилувчи мия функциясини қайтариб бўлмайдиган даражада йўқотиш ташхиси қўйилган катта ёшли инсон эди, унинг ҳаёти тиббий асбоб-ускуналар билан таъминлаб турилганди.
Тажриба 10 кун давом этди ва беморнинг оиласи илтимосига биноан тугатилди. Кузатиш даврида трансплантация қилинган жигар нормал ишлади, сафро ва протеин альбумин ишлаб чиқарган.
Чўчқалар ксенотрансплантация (турлар орасидаги орган трансплантацияси) учун оптимал донорлар ҳисобланади. Уларнинг анатомияси ва физиологияси инсонникига яқин, генетик модификация эса рад этиш хавфини камайтиради.
Тадқиқот муаллифларининг қўшимча қилишича, чўчқа жигари инсон жигарига қараганда анча кам сафро ва альбумин ишлаб чиқарган. Технологияни яхшилаш учун 10 кундан ортиқ давом этадиган янги тажрибалар талаб қилинади.
Бунгача АҚШда чўчқа буйрагини одамларга кўчириб ўтказишга рухсат берилганди. Манбага кўра, тартибга солувчи идора “United Therapeutics” ва “eGenesis” компанияларига клиник синовларни тасдиқлаган. Тадқиқотда буйрак етишмовчилигининг сўнгги босқичида олти нафар бемор иштирок этади. Келгусида иштирокчилар сонини 50 нафарга етказиш режа қилинган. “United Therapeutics” компаниясининг биринчи операцияси 2025 йилнинг ўрталарида бўлиб ўтиши кутилмоқда. “eGenesis” компанияси томонидан эса учта буйрак трансплантация қилинади.
Аввалроқ, чўчқа буйраги кўчириб ўтказилган АҚШ фуқароси Тована Луни у билан 61 кун яшаб, ўзини яхши ҳис қилгани, бундай операциядан кейин умр кўриш бўйича янги рекорд ўрнатганини маълум бўлганди.
