Сўнгги янгиликлар
Чиқинди хизматларидан қарздор абонентларнинг август ойидан бошлаб электр энергияси тўловига чеклов ўрнатилади
Анқара “2026 йил Турк дунёсининг туризм пойтахти” деб эълон қилинди
Ўзбекистон Ҳукуматининг Гулнора Каримова бўйича расмий позицияси эълон қилинди
Учтепа туманида жойлашган жиноий гуруҳ аъзолари ушланди
Ўзбекистонда олтин-валюта захиралари 6 ой ичида биринчи марта камайди
«Ғалабанинг номи — Туркия»дир: 15 июлдаги драматик тун нималар билан ёдда қолган?
Туркия ўрмон ёнғинларига қарши курашишда қандай йўлдан бормоқда?
GoTürkiye янги мини сериални тақдим этади: Istanbul My Love
Рустам Минниханов бошчилигидаги Татаристон делегацияси Навоий вилоятига ташриф буюрди
Делегациянинг ташрифи давомида икки ҳудуд ўртасидаги савдо иқтисодий ва инвестицион масалалар атрофлича муҳокама этилди, истиқболли йўналишларда ҳамкорлик бўйича музокаралар олиб борилди.
Бугун Татаристон Республикаси Раиси Рустам Минниханов Навоий вилоятига ташриф буюрди. Юқори мартабали меҳмонни вилоят ҳокими Нормат Турсунов кутиб олди.
Дастлаб, Татаристон Республикаси делегацияси Навоий Эркин иқтисодий зонасидаги Саноатни ривожлантириш комплексида бўлиб, бу ерда Татаристон билан ҳамкорликда қад ростлаётган махсус саноат паркида амалга оширилаётган қурилиш ишлари билан яқиндан танишди. Рустам Миннихановга саноат паркида ташкил этилаётган лойиҳалар тақдимоти қилинди.
2023 йилнинг октябрида Қозон шаҳрида бўлиб ўтган Ҳудудлараро бизнес форумида Татаристоннинг "КИПМАСТЕР" АЖ компанияси билан Навоийда махсус саноат паркини ташкил этиш бўйича келишувларга эришилганди. Мазкур саноат паркида умумий қиймати 251 млн. АҚШ доллари бўлган 19 та лойиҳалар амалга оширилиши режалаштирилган бўлиб, дастлаб 140 млн. долларлик озиқ-овқат саноати учун қадоқлаш идишлари, жумладан алюминий банкалар ишлаб чиқариш лойиҳаси ташкил этилмоқда. Лойиҳа доирасида йилига 1,5 млрд. дона алюминий банкалар ишлаб чиқарилади ва бу йўналишда 200 та янги иш ўринлари яратилади.
Рустам Нургалиевич қурилиш жараёнидаги мавжуд камчиликларни бартараф этиш, янги таклифларни ўрганиш мақсадида масъуллар билан фикр алмашди.
Делегациянинг Навоийга ташрифи "Тинчлик Плаза" меҳмонхонасида давом этиб, икки ҳудуд ўртасидаги савдо иқтисодий ва инвестицион масалалар атрофлича муҳокама этилди, истиқболли йўналишларда ҳамкорлик бўйича музокаралар олиб борилди.
Татаристон Раиси шу куннинг ўзидаёқ Навоий халқаро аэропортидан жўнаб кетди.
