Сўнгги янгиликлар
Туркиядаги 4 та қишлоқ “2025 йилнинг энг яхши туризм қишлоғи” мақомига сазовор бўлди
Истанбул – қадим тарих ва маданият ўчоғи
Ўзбекистонда мажбурий авто суғурта тизимидаги янгиликлар: 2026 йилдан нималар ўзгаради ва ҳайдовчилар учун эслатмалар
Ёмғир керак: Табиат ва инсон ўртасидаги мувозанат издан чиқмоқда
Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради
Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади
Ўзбекистон павильони Осака EXPO–2025 кўргазмасида олтин медалга сазовор бўлди
Ўртаҳисар “Дунёнинг энг гўзал 50 қишлоғи” рўйхатига киритилди
«Янги Ўзбекистон Парламенти? Ким бунинг ташаббускори? Мен меъмор деб сизни айтардим» – Акмал Саидов
Кеча, 20 ноябрь куни Олий Mажлиснинг йиғилиши бўлиб ўтди. Мажлисда Ўзбекистоннинг эски-янги бош вазири этиб, Абдулла Арипов маъқулланди. Йиғилишда депутат Акмал Саидов ҳам сўзга чиқиб, президент Шавкат Мирзиёевни Янги Ўзбекистоннинг Янги Парламентининг меъмори деб атаган.
Жаноб Акмал Саидов, президент Шавкат Мирзиёевнинг Парламентдаги чиқишида Парламентга оид ҳикматли сўзларни эшитганини алоҳида урғулаган.
«Бугун, мен эшитиб туриб, бир қанча парламентга оид ҳикматли тушунчаларни киритдингиз. Янги Ўзбекистон Парламенти, Парламент бу халқ уйи, демократия мактаби дедингиз. Бугун Парламент халқ хизматчиси. Халқ уйидан халқчил қонунлар чиқиши керак деган янги бир ҳикматли сўзларни айтдингиз. Шунда мен ўйлаб қолдим. Янги Ўзбекистон Парламенти? Ким бунинг ташаббускори? Мен меъмор деб сизни айтардим», деган Саидов.
Депутатнинг айтишича, у президентнинг «Ҳозирги замонавий Ўзбекистон» китобидан ҳам Парламентга оид «қаймоқ» фикрларни ўзлаштирган.
«Қуруқ сўз бўлмаслиги учун рақамлар келтирмоқчиман. Бугун мана-шу сўнгги саккиз йилда сиз мана-шу минбардан туриб, 14 марта гапирдингиз. 4 марта Сенатда гапиргансиз. 4 маротаба Парламент олдида Мурожаатнома ҳам қилгансиз. Айниқса, Қонунчилик палатаси билан алоҳида учрашганингизда палата фаолиятининг дастур ва йўналишларини белгилаб бергансиз. Бугунги чиқишингизда ҳам Парламентнинг 2030 йилгача фаолиятининг устувор йўналишларини билиб олдик. Мен бугунги маърузангизни айтмоқчи эдимки, яқиндагина чоп этилган сизнинг иккинчи фундаментал муаллифлик китобингиз «Ҳозирги замонавий Ўзбекистон» китобида парламентга оид ғояларнинг қаймоғини кўрдим десам, муболаға бўлмасди» деган Акмал Саидов.
«Бугунги Парламент кечаги Парламент эмас. Бугунги депутат кечаги депутат эмас. Бугунги партия фракцияси партия фракцияси эмас», деди Саидов Президентдан иқтибос келтириб.
Маълумот учун, 66 ёшли Акмал Саидов Олий Мажлис депутатлигига 1997 йилдан буён сайланиб келмоқда. Унга қадар Ўзбекистоннинг Франциядаги элчиси лавозимида ишлаган. Сиёсатчи 2007 ва 2015 йилларда президентлик сайловларида Ислом Каримовга рақиб бўлган. У 1996 йилдан буён Инсон ҳуқуқлари бўйича Ўзбекистон Республикаси Миллий маркази директори ҳам ҳисобланади.
.jpg)
