Сўнгги янгиликлар
Саида Мирзиёевада янги ваколатлар
Ўзбекистонда доллар курси яна пастлади
Қашқадарёда дарёга чўмилиш учун борган аёллар чўкиб кетди
Қорақалпоғистондаги туманда жазирама сабаб боғчалар ёпилди
Анталия соҳилларида ҳалокатга учраган 2000 йиллик кемадан ноёб тарихий ашёлар топилди
Чиқинди хизматларидан қарздор абонентларнинг август ойидан бошлаб электр энергияси тўловига чеклов ўрнатилади
Анқара “2026 йил Турк дунёсининг туризм пойтахти” деб эълон қилинди
Ўзбекистон Ҳукуматининг Гулнора Каримова бўйича расмий позицияси эълон қилинди
Трамп президентликка киришмасдан туриб, дунёга таъсир ўтказмоқда
АҚШнинг сайланган президенти Доналд Трамп Оқ уй бошқарувини фақат 2025 йилнинг 20 январида эгаллайди. Бироқ у ҳозирданоқ халқаро муносабатларга, хусусан, Украина ва Исроилга таъсир ўтказмоқда. Бу фикрни «Bloomberg» агентлиги билдирган.
Tрамп маъмурияти собиқ амалдорларидан бирининг сўзларига кўра, бўлажак президент халқаро муносабатларни қайтадан кўриб чиқади. Чунки у ҳозирги Америка етакчиси Жо Байдендан қаттиққўлроқ ҳисобланади.
Шу сабабли, АҚШ мухолифлари ўз сиёсатларини олдиндан ўзгартиришни бошлашлари мумкин, дея қайд этади нашр.
Баъзи мамлакатларда янги маъмурият «қасос олиш» қўрқувига асосланади. Бошқалари эса Байден президентликдан кетгунига қадар вақтдан фойдаланишга ҳаракат қилади.
Украина ва Исроил Америка маъмуриятининг бўлажак ўзгаришига энг сезгир бўлади, деб ҳисоблайди Bloomberg.
Bашингтон Атлантика Кенгаши эксперти Шелби Магид Трампнинг ғалабаси «Украинанинг риторикасини ва музокаралар ҳақидаги қарашларини ўзгартирди», деб ҳисоблайди. Унинг таъкидлашича, Украина «Трамп ғалабасидан сўнг музокаралар ҳақиқат эканлигини тан олишга интилмоқда».
Исроилга келсак, АҚШ вице-президенти Камала Ҳарриснинг ғалабаси яҳудий бош вазири Бинямин Нетаняхуни инаугурация олдидан бироз ён босишга ундаши мумкин эди. Трампнинг ғалабаси эса Яқин Шарқдаги можарога ёндашувида «бош вазирнинг қарашларини мустаҳкамлади», деб ёзади «Bloomberg».
Республикачи Трамп 5 ноябрь куни бўлиб ўтган сайловларда рақиби Демократик партия вакили Ҳаррисни мағлуб этди. Бундан ташқари, республикачилар АҚШ Сенати устидан назоратни ўз қўлига олишга муваффақ бўлди. Ҳозирда мавжуд маълумотларга кўра, республикачилар Вакиллар палатасида кўпчилик ўринни қўлга киритиши мумкин. Харрис 2021 йилнинг январидан бери АҚШ вице-президенти лавозимида ишлаб келмоқда. Трамп 2025 йил 20 январда инаугурациядан кейин ҳокимиятга келади.
