EFFECT.UZ – ҲАҚИҚАТ УЧУН!
Сўнгги янгиликлар
Пелосининг Тайванга ташрифи iPhone 14 чиқарилишини кечиктириши мумкин

Пелосининг Тайванга ташрифи iPhone 14 чиқарилишини кечиктириши мумкин

АҚШ Конгресси Вакиллар Палатаси спикери Ненси Пелосининг Тайванга ташрифи iPhone 14 чиқарилишини кечиктириши мумкин, дея хабар бермоқда GSM Acrena.

Тайваннинг TCMC компанияси Apple компаниясининг асосий чип етказиб берувчиси ҳисобланади. У Хитойнинг Pegatron компаниясига чипларни етказиб беради, унинг асосида iPhone йиғилади.

Пелосининг ташрифи ва Хитой ва Тайван ўртасидаги савдо қоидаларини кучайтириши натижасида чипларнинг бир қисми оролга қайтарилиши мумкин, бу эса  iPhone 14 ишлаб чиқаришни кечиктириши мумкин.

Энг ёмони, Pegatron вице-президенти ва TCMC’нинг юқори раҳбарлари ташриф давомида Пелоси билан учрашишди, бу Хитой ва Тайван ўртасидаги савдо урушининг бошланиши бўлиши мумкин. Пелоси сўнгги 25 йил ичида оролга ташриф буюрган АҚШнинг энг юқори мартабали амалдорига айланди. 

Шу билан бирга, ХХР раиси Си Цзинпин “олов билан ўйнашиб куйиб кетиш хавфи бор” деб огоҳлантирган АҚШ маъмурияти Пекинни “ягона Хитой сиёсати”даги қатъиятлилигига ишонтирди.

Натижада, оролга ташриф буюриш Тайван бўғозидаги кескинликнинг янги босқичига туртки бўлди. 4 август куни Хитой армияси Тайван қирғоқлари яқинида машғулотларни бошлади, бундан ташқари, Пекин Тайваннинг иккита фондига қарши санкциялар жорий қилди, табиий қум экспортини ва Тайвандан цитрус мевалари ва балиқ маҳсулотларининг айрим турларини импорт қилишни тўхтатди.

Хитой Ташқи ишлар вазирлиги Вашингтон ва Тайпейни Пелосининг ташрифининг барча салбий оқибатлари учун жавобгарликка тортди.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING