Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Тошкентдан Ал-Айнга янги мунтазам рейслар йўлга қўйилди
Тошкентдан Ал-Айнга янги мунтазам рейслар йўлга қўйилди. Парвозларнинг дастлабки босқичида рейслар ҳафтада бир марта якшанба кунлари амалга оширилади.
Ўзбекистон туризм ва авиация соҳасида яна бир янгилик – жорий йил 22 сентябрь куни Тошкентдан Ал-Айнга янги мунтазам рейслар йўлга қўйилди. EASYBOOKING компанияси Аир Самарканд билан ҳамкорликда ишга туширган ушбу Ротана Жет-осонлогоси билан машҳур бўлган эксклюзив рейси энди йўловчиларимизга янги ва қулай имкониятларни ҳадя этиш билан бирга, балки икки шаҳар ўртасидаги иқтисодий ва маданий алоқаларни ҳам ривожлантиради.
Ал-Айн Бирлашган Араб Амирликларининг тўртинчи йирик шаҳри бўлиб, у мамлакатнинг маданий меросида муҳим ўрин эгаллайди. Ушбу шаҳар чўлнинг ўртасида жойлашган бўлиб, ҳақиқий оазис сифатида танилган. Ал-Айннинг ям-яшил боғлари ва фавворалари, шунингдек, тарихий обидалар, масалан, Ал-Жаҳили форти ва машҳур Ал-Айн оазиси, уни сайёҳлар учун жозибадор жойга айлантиради. Ал-Айн, шунингдек, турли маданий тадбирлар ва фестивалар ўтказиладиган марказ сифатида ҳам танилган, бу эса уни нафақат тарихий, балки замонавий маданият нуқтаи назаридан ҳам қизиқарли қилади.
“Биз учун энг катта қадрият бу аввало бизни танлаган ҳар бир инсон учун энг яхши таассурот ва тажрибаларни тақдим этишдир, — деди EASYBOOKING бош директори Одил Хасанов, —Юқори сифат стандартларини ўрнатиш, саёҳатни қулайлаштириш орқалигина биз ўз қадриятларимизга содиқ қола оламиз, албатта! Шу ўринда, айтиб ўтишим керак, АIR Samarkand ва Rotana Hotels билан ҳамкорлик ўзига хос ва юқори сифатли хизматлар кўрсатишда янги имкониятлар очади”.
Сайёҳлик хизматлари бозори етакчиси ҳисобланган EASYBOOKING саёҳат пакети ичида қатор қулайликларни тақдим этмоқда. 7 кунлик ушбу тур парвозлар, тезкор ва қулай трансферлар, суғурта ҳамда аъло даражадаги хизмат кўрсатиш ва ҳашаматли хоналари билан машҳур бўлган Ротана Ҳотелс тармоғининг энг яхши меҳмонхоналарини ўз ичига олган эксклюзив пакетдир. Парвозларнинг дастлабки босқичида рейслар ҳафтада бир марта якшанба кунлари амалга оширилади.
Чипталар ва пакетли саёҳатларни EASYBOOKING тармоғидаги агентликлардан ёки easybooking.uz веб-сайтидан олиш мумкин.
