Сўнгги янгиликлар
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
«Мактаб директорларини тайинлашда шаффоф тизим жорий этилади» — Ҳилола Умарова
Мактабгача ва мактаб таълими вазирлиги томонидан “Директорлар кенгаши” аъзолари учун “Замонавий таълим – директорлар нигоҳида” мавзусида семинар-тренинглар бўлиб ўтмоқда.
Семинар-тренингда Мактабгача ва мактаб таълими вазири Ҳилола Умарова иштирок этди ҳамда “Директорлар кенгаши” фаолиятини йўлга қўйишдан кўзланган мақсадлар, кутилаётган натижалар, унинг таълим тизимини самарали, очиқ ва шаффоф тарзда ташкил этишдаги ўрни ва аҳамияти ҳақида батафсил тўхталиб ўтди.
“Тизимда амалга оширилаётган кўплаб ислоҳотлар бугун таълим сифатини янги босқичга олиб чиқишга хизмат қилмоқда. Янги лойиҳаларни жорий этмоқдамиз, янги марралар томон интилмоқдамиз.
Бу йўлдаги ташаббусларимиздан бири – энди мактаб директорларини тайёрлаш ва уларни лавозимига тайинлашда шаффоф тизим жорий этилади. Бу таълим тизимини ривожлантириш, ўз олдимизга қўйган мақсадларимизга эришишда катта аҳамиятга эга.
Шунингдек, ҳар бир директор энди доимий равишда ўз устида ишлаб, малака ошириши ва мактаб бошқарувига оид йиллик режаларини тақдим этиши лозим бўлади. Бугунги тренинг айни шу йўлда яна бир қадам бўлади, деб ўйлайман.
Тизимни бир кунда ўзгартириб бўлмайди. Лекин бир жамоа бўлиб ҳаракат қилсак, албатта режаларимизни рўёбга чиқара оламиз”, — дейди вазир.
Тадбирдан кўзланган асосий мақсад — мактаб таълими тизими бошқарувида жамоатчилик ролини ҳамда “Директорлар кенгаши” фаолияти самарадорлигини ошириш, очиқлик ва шаффофликни таъминлаш, Кенгаш аъзоларининг касбий салоҳиятини юксалтиришдан иборатдир.
"Директорлар кенгаши" аъзолари учун ўтказилаётган ўқув семинар-тренинг тадбирлари жорий йилнинг 16 декабрига қадар давом этади.
Маълумот ўрнида, "Директорлар кенгаши" Мактабгача ва мактаб таълими вазири буйруғи асосида жойлардаги энг тажрибали умумий ўрта таълим муассасалари директорларидан иборат таркибда тузилади.
У умумий ўрта таълим муассасалари директорларини лавозимига тайинлаш бўйича тавсия берувчи маслаҳат органидир. Кенгаш тавсиялари вазирликнинг ҳудудий бошқармалар томонидан бажарилиши мажбурий ҳисобланади.
"Директорлар кенгаши" умумий ўрта таълим муассасаларида таълим-тарбия жараёнларида самарали бошқарувни амалга ошириш, меъёрий-ҳужжатларга риоя қилиниши мониторингини олиб бориш ва тегишли таклифлар ишлаб чиқишни ташкил этади.
Кенгаш ўз фаолиятини жамоатчилик асосида юритади ва ошкоралик тамойилига амал қилади, фақатгина Мактабгача ва мактаб таълим вазирлигига тўғридан-тўғри ҳисоб беради.
Кенгаш аъзолари сони ҳудуддаги умумий ўрта таълим муассасалари сонидан келиб чиққан ҳолда директорлар орасидан 7 нафардан 11 нафаргача этиб белгиланади.
