Ўзбекистон фуқароларининг мурожаатларини кўриб чиқиш, уларнинг ҳуқуқ ва манфаатларини таъминлаш Мажбурий ижро бюроси органлари олдидаги вазифалардан бири.

Аҳоли мурожаатларини қабул қилишда янада қулайлик ва шаффофлик яратиш, муаммоларини тезкорликда ҳал этиш мақсадида, мурожаатлар “Online-video” тизими орқали ҳам қабул қилиш тизими йўлга қўйилди. Бу ҳақида бюро ахборот хизмати хабар берди.

Эндиликда, фуқаролари ҳар ҳафтанинг шанба куни соат 10:30дан бошлаб, ўзларига яқин бўлган ёки истаган ҳудуддаги бюронинг ҳудудий бошқарма ёки бўлимларига бориб, у ерда ташкил этилган “Online-video” тизими орқали Бюро раҳбарияти билан мулоқот қилиб, фаолиятга доир ҳар қандай масала бўйича мурожаат қилишлари мумкин бўлади.

“Online-video” тизими орқали мурожаат йўллашга тўсқинлик қилиш ҳолатлари ҳақида зудлик билан (71) 207-11-59, 207-11-73 рақамли ишонч телефонига хабар қолдириш мумкин.

Қабул қилинган мурожаатлар бўйича қонуний қарор қабул қилиниши таъминланади.

Маълумот учун, фуқаролар билан дастлабки «Онлайн-видео» мурожаат жараёнлари жорий йилнинг 25 июнь кунига белгиланган.