Сўнгги янгиликлар
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Расман! Расул Кушербаев Табиат ресурслари вазирининг маслаҳатчиси лавозимига тайинланди
Аввалроқ Кушербаев Тошкент шаҳри ҳокими бўлиши ҳақида миш-мишлар юрганди.
Собиқ депутат Расул Кушербаев расман янги лавозимда иш бошлади. Бу ҳақда Табиат ресурслари вазирлиги хабар бермоқда.
Унга кўра, Табиат ресурслари вазири Азиз Абдуҳакимовнинг тегишли буйруғи билан Кушербаев Расул Хидралиевич Ўзбекистон Республикаси Табиат ресурслари вазирининг маслаҳатчиси лавозимига тайинланди.
Кушербаев «Газета.uz»га берган интервьюсида унга президент Администрациясидан ушбу лавозим таклиф қилинганини айтди.
"Энг муҳими эркин ишлайдиган шароит бўлиши керак, мени одамлардан узоқлаштирмайдиган шароит бўлса ишлайман, дегандим. Шунинг учун ушбу лавозим шунақароқ шекилли, таклиф қилишди. Қани, кўрамиз-да, ишлайверайлик-чи", — деди у.
Барчага маълум, Кушербаев ушбу тайинловга қадар Ўзбекистон Республикаси Олий Мажлиси Қонунчилик палатаси депутати бўлиб фаолият юритган.
Ўтган йил охирида Қонунчилик палатаси спикер ўринбосари Улуғбек Иноятов 2023 йилги Давлат бюджети муҳокамаси чоғида унга сўз бермагани учун Расул Кушербаев депутатлик фаолиятини тўхтатишга қарор қилган эди.
Маълумот ўрнида, Расул Хидиралиевиеч Кушербаев — 1987 йил 12 январда Янгийўл тумани Кушягоч қишлоғида туғилган. Ўзбекистон давлат жаҳон тиллари университетини халқаро журналистика мутахассислиги бўйича тамомлаган.
У ўз фаолиятини 2007 йилда Либерал-демократик партиянинг Тошкент вилояти маъмуриятининг ёшлар билан ишлаш бўлими мудири сифатида бошлаган.
2012 йилдан 2014 йилгача ”Янгиюл” (Янги йўл) деб номланган газетанинг бош муҳаррири бўлиб ишлаган. Ўзбекистон Либерал-демократик партияси аъзоси. 2014 йилдан буён Ўзбекистон парламентининг қуйи палатаси аъзоси. 2020 йилгача Инновация, ахборот сиёсати ва АКТни ривожлантириш қўмитасининг аъзоси бўлган. 2020 йилдан 2022 йилгача Олий Мажлис Қонунчилик палатасининг Коррупцияга қарши курашиш ва суд-ҳуқуқ масалалари қўмитасининг аъзоси бўлган.
