Сўнгги янгиликлар
Истанбул 18–21 сентябрда Босфор Кубоги 2025 қайиқлар пойгасига мезбонлик қилади
Ҳамюртимиз “Юксак эҳтиром” халқаро эсдалик кўкрак нишони билан тақдирланди
Фарғона деҳқон бозоридаги нарх-навo халқ учунми ёки…
Сентябрдан бошлаб мигрантлар илова орқали кузатилади
Касб ва хорижий тилларга ўқитиш учун ваучер бериш тартиби белгиланди
Касб ва хорижий тилларга ўқитиш учун ваучер бериш тартиби белгиланди
Фарғонада уй боғчасида 43 нафар болага ноқонуний диний сабоқ бериб келингани аниқланди
Ўзбекистон ва Иордания ўртасида 15 та ҳужжат имзоланди
Самарқандда чилласи чиқмаган келин-куёв ис газидан заҳарланиб вафот этди
“Эзгулик” жамияти раиси Абдураҳмон Ташановнинг ёзишича, мудҳиш воқеа содир бўлишидан бир кун олдин қишлоққа туман ҳокими келган.
Самарқанд вилояти Каттақўрғон туманида келин-куёв ис газидан заҳарланиб вафот этди. Бу ҳақда “Эзгулик” жамияти раиси Абдураҳмон Ташанов хабар берди.
Маълум бўлишича, тун ярмида газ тармоқдан узилган ва қайта ёқилган. Олов ўчгач, сизган газ туфайли уйқудаги келин-куёв заҳарланган. Улар эрталаб хонадонида ўлик ҳолда топилган.
“Туман газ идораси аза бошланмасидан хонадон эгаларини техника хавфсизлигига риоя қилмасликда айблаб, далолатнома тўлдириб кетишди. Ўлганлар даъво қилолмайди: ҳеч ким газни нега бемаҳал уздинг, нега огоҳлантиришсиз ёқдинг, деёлмайди.
Шоҳрўз Аъзамов янги йил арафасида уйланганди. Кўпчилик қатори бир олам орзулари бор эди, эссиз… Оила фожиаси - миллат фожиаси, дейдилар.
Ўша куни қишлоққа ҳоким келган экан. Газчилар бу валломатга яхши кўриниш учун газни баландлатиб, масхарабозлик қилишган.
Кечаси чегириб қоламиз, деганми, билмайман. Одамлар ўлиши учун уруш бўлиши шарт эмас. Мутасаддиларнинг уқувсиз ва аҳмоқ бўлиши етарли. Уларни бу ёшларнинг уволи урсин!”, — деб ёзди Ташанов.
Бош прокуратура матбуот котиби Ҳаёт Шамсутдиновнинг маълум қилишича, келин-куёвнинг яқинлари бу воқеа тўғрисида ҳуқуқни муҳофаза қилиш органларига хабар бермаган.
