So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Amerikada saylov davom etmoqda. Dastlabki uchastkada tenglik kuzatildi
Amerika Qoʻshma Shtatlarida saylov davom etmoqda. Birinchi saylov uchastkasining ovoz berish natijalari sarhisob qilindi. Prezidentlikka nomzodlar respublikachi Donald Tramp va demokrat Kamala Harris ovozlarni oʻzaro teng taqsimlab olgan. Bu haqda CNN telekanali xabar berdi.
Vitse-prezident Kamala Harris va sobiq prezident Donald Tramp Nyu-Xempshir shtatidagi Diksvill Notchdagi mittigina hamjamiyatda uchtadan ovozni boʻlishishdi. Ushbu shtatning ovozlari doimiy tarzda birinchi boʻlib eʼlon qilinadi.
1960-yildan beri anʼanaga aylanganidek, AQSHda birinchi saylov uchastkasi yarim tunda shu yerda ochiladi. Bu shtatning kichkina hamjamiyati 6 ta ovozga ega. Ovozlar sanab childi va natija eʼlon qilindi. Shundan soʻng saylov uchastkasi darhol yopildi.
Nashrning qayd etishicha, soʻnggi prezidentlik saylovlarida, yaʼni 2020-yilda oʻsha paytda gʻalaba qozongan Jo Bayden bu sohada koʻpchilik ovozlarni qoʻlga kiritgan.
2016-yilda Hillari Klinton bu yerda yetti ovozdan toʻrttasini qoʻlga kiritgan. Ikkitasi gʻolib Trampga nasib etgan. 2012-yilda Diksvill Notch aholisining ovozlari ham teng taqsimlangan: besh nafari gʻolib boʻlgan demokrat Barak Obamaga, qolgan besh nafari esa respublikachi Mitt Romniga ovoz bergan.
Eslatib oʻtamiz, bugun AQSHda prezidentlik saylovlari boʻlib oʻtmoqda. Amerikaliklar kelasi toʻrt yilga davlat rahbarini tanlashi kerak boʻladi. Soʻnggi haftalarda oʻtkazilgan soʻrovlar shuni koʻrsatdiki, hech bir nomzod jiddiy ustunlikka ega emas va statistik xatolik chegarasiga toʻgʻri keladi. Mutaxassislar kim gʻalaba qozonishi borasida aniq fikr ayta olmayapti.
