“TikTok” asoschisi Chjan Imin Xitoyning eng boy odamiga aylandi

“TikTok” asoschisi Chjan Imin Xitoyning eng boy odami deb tan olingan, uning boyligi ayni paytda 49,3 milliard dollarga baholanmoqda. Bu haqda CNN xabar berdi.

Chjan Imin “TikTok”ning bosh kompaniyasi “ByteDance” asoschilaridan biri va 41 yoshda. Oʻtgan yili kompaniyaning global daromadi 30 foizga oʻsib, 110 milliard dollarga yetganidan soʻng u Xitoyning eng boy odami boʻlish uchun boshqa daʼvogarlarni ortda qoldirdi.

“TikTok” raqamli platformasi rasman 2017-yilning may oyida ishga tushirilgan va shundan beri butun dunyoda mashhurlikka erishdi. Buni hamma mamlakatlar ham olqishlamaydi. “TikTok” Hindistonda taqiqlangan va amerikaliklarning shaxsiy maʼlumotlari kirib ketishidan qoʻrqib, “ByteDance” bosh kompaniyasiga AQSHdagi biznesini sotishni buyurgan qonun qabul qilingandan keyin Qoʻshma Shtatlarda taqiq arafasida. Tarmoq Xitoy hukumatining “qoʻllari” sifatida koʻriladi.

23-oktyabr kuni “TikTok”ning oʻrtacha foydalanuvchisi atigi 35 daqiqa tarmoqqa kirganidan soʻng ilovaga “odatlanib qolgani” haqida xabar berilgan edi. Izlanishlar Kentukki shtatidagi sud hujjatlarida TikTokni bolalarning ruhiy salomatligiga qaram boʻlish va zararli boʻlish uchun yaratilganlikda ayblagan sud hujjatlarida keltirilgan.

Bundan oldin, TikTok yuzlab xodimlarni ishdan boʻshatib, ularning oʻrniga sunʼiy intellektni qoʻygani haqida xabar berilgan.

Maʼlumot uchun, Imingacha Xitoyning eng boy odami Jek Ma boʻlgan. Jek dunyodagi eng yirik internet doʻkonlaridan biri “Alibaba”ga asos solgan.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг