So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
Turkiyaning qadim kutubxonasidan 700 yillik tarixga ega Qur’on qo‘lyozmasi topildi
Turkiyaning Sulaymoniya kutubxonasidan topilgan Qur’on qo‘lyozmasini ayni paytda restavratsiya qilish ishlari olib borilmoqda. Bu haqda Toshkentda o‘tayotgan O‘zbekiston madaniy meros haftaligi doirasida ma’lum qilingan.
.jpg)
Ushbu Qur’on 1318 yilda Oltin O‘rda xoni — O‘zbekxonga atab oltin varaqqa ko‘chirilgan va bu mo‘g‘ullar davridan keyin saqlab qolingan asosiy Qur’on mus’hafi hisoblanadi. Turkiyalik professor Emek Ushenmezning ta’kidlashicha, qo‘lyozma usmoniylar hukmdori Fotih Sulton Mehmet tomonidan 1475 yilgi Qrim yurishidan o‘lja sifatida Istanbulga olib kelingan.
«Bu mo‘g‘ullar davrida yozilgan va o‘zbek nomi keltirilgan birinchi to‘liq ko‘chirilgan Qur’ondir. O‘zbekxon Qur’onining barcha jildlari oltin bilan ishlov berilgan bo‘lib, Oltin O‘rdada zarhal qog‘ozga muhaqqaq uslubida ko‘chirilgan va uning deyarli barcha sahifalari bizgacha to‘liq yetib kelgan.
Bu davr xattotlari yuqori malakali hunarmandlar bo‘lib, ularning ishlari ko‘pincha nafislik va aniqlik bilan ajralib turgan. O‘zbekxon Qur’onida murakkab bezak elementlari, geometrik va gul naqshlar aks ettirilgan.
Bular qo‘lyozmaning vizual jozibasini oshiradi va o‘sha davrda keng tarqalgan badiiy uslublarni namoyon etadi. Aynan murakkab texnologiya va o‘z davrining ilg‘or usullari bugungi kunda ushbu mus’hafning o‘ta noyobligini ta’minlaydi» - dedi professor Emek Ushenmez.
Ma’lum qilinishicha, ushbu qo‘lyozma Islom madaniyati va ta’limida alohida ahamiyat kasb etadi. Shuningdek, u diniy matnlarni saqlash va musulmon davralar o‘rtasida savodxonlikni oshirishda xizmat qilgan.
Hozirda O‘zbekistondagi islom sivilizatsiyasi markazi va O‘zbekiston madaniy merosini o‘rganish, saqlash va ommalashtirish Butunjahon jamiyati bilan hamkorlikda ushbu noyob qo‘lyozmani restavratsiya qilish va faksimile nusxalarini O‘zbekistonga qaytarish ishlari olib borilmoqda.
Umuman olganda O‘zbekiston madaniy merosi haftaligi ko‘plab shov-shuvli yangiliklarga boy o‘tmoqda. Ular sirasiga temuriy malika o‘z qo‘li bilan yozgan, Amir Temur davriga oid noyob qur’on qo‘lyozmalari hamda Boburiylarga oid muhtasham albomning topilgani kiradi.
Ushbu va boshqa 114 ta qo‘lyozmalarning barcha faksimile nusxalari O‘zbekistonga qaytarilib, Islom sivilazitsiya markazi binosidagi gumbaz ostida ko‘rgazmaga qo‘yilishi ma’lum qilindi.
