So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
“Qabristondagi jasadlar koʻchaga uloqtirildi” — Isroil armiyasi “Al-shifo” kasalxonasini butunlay vayron qildi
14 kunlik qamaldan soʻng, Isroil armiyasi Gʻazo sektoridagi eng yirik tibbiyot majmuasi – “Al-Shifo” kasalxonasini butunlay vayron qildi va u yerdan qoʻshinlarini olib chiqib ketdi.
Anadoluʻning guvohlarga tayanib xabar berishicha, Isroil armiyasi kuchlari “Al-Shifo” kasalxonasi va yaqinidagi aholi punktlaridan butunlay chiqib ketgan va Gʻazo shahri janubi-gʻarbidagi Tel al-Hava hududining janubiga yuborilgan.
“Al-Shifo”ni tark etishdan oldin harbiylar tibbiyot majmuasining barcha binolarini yoqib yuborgan va uni butunlay ishdan chiqargan.
Shifoxonaning jarrohlik binosining pollari va binolari butunlay vayron boʻlgan, qolganlari yonib ketgan. Asosiy qabulxona va tez yordam binosi ham yonib ketgan, barcha tibbiy buyumlar yoʻq qilingan.
Isroil kuchlari urologiya boʻlimi, tugʻruqxona, oʻlikxona, onkologiya va kuyish boʻlimlarini ham yoqib yuborgan, klinika binosini buzib tashlagan.
“Al-Shifo” kasalxonasida va yaqin atrofdagi Umar al-Muxtor, Izzedine al-Qassam, Abu Hasir, Bakir va Habbush koʻchalarida oʻldirilgan oʻnlab falastinliklarning jasadlari topilgan.
Harbiylar “Al-Shifoa” tibbiyot majmuasi hududida falastinliklar tomonidan yaratilgan vaqtinchalik qabristonni vayron qildi, oʻlganlarning jasadlarini qabrlardan olib chiqib, kasalxona atrofiga tarqatdi.
Falastin sogʻliqni saqlash sektori vakillari ham shifoxona butunlay ishdan chiqqanini va joriy davrda ishni qayta boshlash qiyin boʻlishini tasdiqladi.
Ularning aytishicha, armiya kasalxonadagi barcha tibbiy jihozlarni, shuningdek, operatsiya xonalari va reanimatsiya boʻlimlarini yoʻq qilgan.
