So`ngi yangiliklar
Navoiyda 300 MVt quyosh fotoelektr stansiyasi va 75 MVt quvvatli energiya saqlash tizimi qurilishi boshlandi
Qozog‘istondagi avariyada O‘zbekiston fuqarolari halok bo‘ldi
Opta superkompyuteri 2026 yilgi Jahon chempionati uchun asosiy favoritni taxmin qildi
O‘zbekistonda turizm sohasida barqaror o‘sish qayd etildi
Turkiyaning Konya shahrida Jaloliddin Rumiy xotirasiga bag‘ishlangan “Shab-i arus” marosimi o‘tkaziladi
Pop tumanida 3,4 magnitudali zilzila ro‘y berdi
Saida Mirziyoyeva Xitoy Xalqaro kommunikatsiya markazi raisi bilan uchrashuv o‘tkazdi
Konstitutsiya — farovon hayotimiz va taraqqiyotimiz kafolati
Turkiya: dunyo e’tirof etgan qadimiy trekking yo‘llari
Turkiya uzoq masofali trekking yo‘llari bilan dunyo sayohatchilari e’tiborini zabt etmoqda. Ayniqsa, Londonning Time Out jurnali tomonidan “Dunyodagi eng go‘zal piyoda yo‘li” deb topilgan Likiya yo‘li mamlakatning tabiati, tarixi va madaniyatini birlashtirgan noyob sayohat manzili sifatida yana bir bor global miqyosda tan olindi.
Turkiya o‘zining boy tarixi, tabiiy go‘zalliklari va betakror manzillari bilan ko‘plab nufuzli sayohat ro‘yxatlarida munosib o‘rin olishda davom etmoqda. Yaqinda mamlakat yana bir e’tirofga sazovor bo‘ldi. Likiya yo‘li Londonning Time Out jurnali tomonidan “Dunyodagi eng go‘zal piyoda yo‘li” deb topildi.
Turk Rivierasidagi tarixiy yo‘llar
O‘rta yer dengizi moviy suvlar va ulug‘vor Toros tog‘lari orasida joylashgan bo‘lib, o‘zining qadimiy piyoda yo‘llari bilan ajralib turadi. Ularning orasida eng mashhuri —Likiya yo‘li bo‘lib, uzunligi 500 kilometrdan oshadi. Aynan mana shu fasl ushbu yo‘nalishda piyoda sayohatlar uchun eng qulay davr hisoblanadi.
Tabiat, tarix va mahalliy madaniyatni birlashtirgan Likiya yo‘li Xanthos-Letoon, Olympos, Patara va Myra kabi YUNESKO ro‘yxatiga kiritilgan yodgorliklardan o‘tadi. Yo‘l davomida Uzumli va Bezirgan kabi an’anaviy yam-yashil yaylovlar, shuningdek, Geyikbayiridagi ulkan qoyalarning go‘zalligidan bahramand bo‘lish mumkin.
Paul yo‘li Turkiyaning xristianlik davridagi tarixiga qiziqqanlar uchun ideal tanlovdir. Mamlakatdagi ikkinchi uzoq masofali ushbu trekking yo‘li Antaliyada joylashgan bo‘lib, Avliyo Paulning missionerlik safarlarida bosib o‘tgan yo‘llari hisoblanadi. Marshrut ikki yo‘nalishdan boshlanadi: Perge shahri va Ko‘prulu Kanyon milliy bog‘i. Yo‘llar qadimiy Adada shahrida birlashib, Yalvach sekin shahrida yakunlanadi. Bu manzil nafaqat tabiiy go‘zalligi bilan maftun qiladi, balki o‘tmishning ruhini his qildiradigan unutilmas tajriba taqdim etadi.
Egey dengizidagi betakror yo‘llar
Egey mintaqasi piyoda yurish uchun qulay ob-havoga va turli yurish yo‘llariga ega. Bu yerdagi ilk yo‘nalish Kariya yo‘li bo‘lib, uzunligi 850 km va to‘rtta asosiy qismga bo‘lingan. Marshrut Bo‘zburundan boshlanib, Datcha orqali Akyakaga, so‘ng esa Milas va Alinda kabi qadimiy shaharlargacha cho‘zilgan.
Efeler yo‘li esa Izmirning eng yangi piyoda yurish manzillaridan biridir. Green Destinations tomonidan “Eng yaxshi 100 hikoya” ro‘yxatiga kiritilgan ushbu barqaror yo‘l 28 bosqich, 27 asosiy va bitta muqobil yo‘ldan iborat. Sayyohlar Birgi va Shirinja kabi mashhur turizm qishloqlari orqali o‘tib, ularning boy madaniy merosi bilan tanishish imkoniga ega bo‘ladilar. Marshrut davomida har bir qishloqning o‘ziga xos ramzi tushirilgan maxsus “Efeler yo‘li pasporti” ham taqdim etiladi.
Frigiya yo‘li Afyonkarahisar, Kutahya, Eskishehir va Anqara hududlaridan o‘tib, frigiyaliklarning izlarini o‘rganish imkonini beradi. Marshrut Frigiya vodiylari, qadimiy qoya tuzilmalari va xarobalarga boy hududlardan o‘tadi. Jumladan, Kutahyadagi ona ma’buda Kibelega bag‘ishlangan ochiq havodagi ibodatxonalar, Anqaradagi YuNESKO ro‘yxatiga kirgan Gordion va Afyonkarahisardagi Andavaz qal’asi, tosh uylari va maqbaralari bilan mashhur Ayazini qishlog‘ini qamrab oladi. Yo‘l taxminan 500 km uzunlikda bo‘lib, Afyonkarahisar, Kutahya yoki Ankara shaharlaridan boshlanib, Eskishehirdagi Yazilikaya (Midas haykali)gacha boradi.
.jpg)
