Сўнгги янгиликлар
Чиқиндидан қарздор абонентлар учун электр тўлови вақтинча тўхтатилди
Тошкентда ҳаво ифлосланишини камайтириш мақсадида минглаб объектларда текширувлар ўтказилмоқда
Ўзбекистонда 11 ойда 465 киши пора бериш жинояти учун озодликдан маҳрум этилди
Умра хизматлари бўйича ноқонуний реклама тарқатган туроператорлар жазоланди
Нотариусликка талабгорлар учун ўқув курсларини ташкил этиш тартиби тасдиқланди
Навоийда қишлоқ хўжалиги ходимлари тақдирланди
Айрим ҳудудларда давлат органларида кадрлар ротацияси тизими жорий этилади
Андижон вилояти ҳокимига янги ўринбосарлар тайинланди
Тошкентда ҳаво ифлосланишини камайтириш мақсадида минглаб объектларда текширувлар ўтказилмоқда
Экополиция ва бир қатор ҳуқуқ-тартибот идоралари иштирокида ташкил этилган кенг қамровли рейдлар давомида Тошкент шаҳри ва вилоятида жами 3 мингдан ортиқ объектнинг фаолияти ўрганилиб, юзлаб қонунбузарлик ҳолатлари аниқланди.
Тошкент шаҳри ва Тошкент вилоятида атмосфера ҳавосини ифлослантириши мумкин бўлган манбаларни аниқлаш ва уларнинг таъсирини камайтириш мақсадида Экополиция томонидан изчил рейд тадбирлари ўтказилмоқда. Қисқа вақт ичида минглаб объектлар текширилиб, қонунчилик талабларига амал қилиниши батафсил ўрганилмоқда.
9 декабр куни Давлат экологик назорат инспекцияси (Экополиция) Бош прокуратура, Фавқулодда вазиятлар вазирлиги, Миллий гвардия ва ички ишлар органлари билан ҳамкорликда Қибрай, Зангиота, Юқори Чирчиқ, Янгийўл, Тошкент туманлари ҳамда пойтахт ҳудудида навбатдаги рейдларни амалга оширди.
Бу кунги текширувлар доирасида 3 222 та объектнинг атмосфера ҳавосини муҳофаза қилишга оид қоидаларга риоя этиш ҳолати ўрганилди. Текшириш натижасида 24 та ҳуқуқбузарлик ҳолати қайд этилди.
25 ноябрдан 9 декабрга қадар ўтказилган кенг қамровли ўрганишлар қуйидаги натижаларни кўрсатди:
— 895 та ҳуқуқбузарлик ҳолати аниқланиб, улар бўйича маъмурий иш ҳужжатлари расмийлаштирилди;
— экологик меъёрларни бузган 75 та объект (Тошкент вилоятида — 66 та, Тошкент шаҳрида — 9 та) фаолияти 10 иш кунига вақтинчалик тўхтатилди;
— 37 та иссиқхонада ҳавони тозалаш учун фильтрлар ўрнатилди;
— 6 та иссиқхона газ тармоғига уланди, яна 7 та иссиқхона техник шарт олиш учун ариза тақдим этди.
Экополиция ва тегишли идоралар атмосфера ҳавосини муҳофаза қилиш, ифлосланиш манбаларини қисқартириш ҳамда қонун талабларининг бажарилишини таъминлаш бўйича рейд тадбирларини давом эттирмоқда.
.jpg)
