Сўнгги янгиликлар
Президент Тошкентдаги замонавий савдо мажмуасини бориб кўрди
Қозоғистонда қимор ўйнаган ҳарбийлар армиядан четлатилди
«Дипломатик хизмат аълочиси» ва «Дипломатик хизмат фидойиси» кўкрак нишонлари таъсис этилди
Ноқонуний олиб чиқилаётган катта миқдордаги валюта тўхтатиб қолинди
Давлат захирасидаги ер майдонини сотмоқчи бўлган шахс ушланди
Туркия фуқаролари огоҳлантирилди
Финландия дунёдаги энг тинч мамлакат деб топилди. Ўзбекистон нечанчи ўринда?
Конституциявий тузумга тажовуз – Истанбул мэри Акром Имомўғлининг ҳибсга олиниши тафсилотлари эълон қилинди
Конституциявий тузумга тажовуз – Истанбул мэри Акром Имомўғлининг ҳибсга олиниши тафсилотлари эълон қилинди
Туркия Бош прокуратураси томонидан олиб борилаётган тергов ҳаракатлари доирасида 106 нафар гумонланувчига, жумладан, Истанбул шаҳри мэри Акром Имомўғлига нисбатан ҳибсга олиш тўғрисида қарор чиқарилган. Ушбу жиноят иши доирасида прокуратура 2 та тергов ҳаракатларини олиб бормоқда.
Терроризмга оид жиноятларни тергов қилиш бўйича бюро томонидан олиб борилаётган тергов доирасида; Истанбул шаҳар Ҳокими ҳам шулар жумласидан бўлган 7 кишига нисбатан қамоқ эҳтиёт чораси қўлланган. Гумонланувчилар террорчилик ташкилотига ёрдам бериш жиноятини содир этганликлари иддао қилинмоқда. Бошқа тергов ҳаракатлари Уюшган Жиноятларни тергов қилиш Бюроси томонидан олиб борилмоқда. Ушбу тергов доирасида 100 нафар гумонланувчига нисбатан қамоқ эҳтиёт чораси қўлланилган, улар орасида Акром Имомўғли ҳам бор, шунингдек унинг матбуот котиби ҳам ҳибсда сақланмоқда.
Гумонланувчилар жиноий уюшма таркибида порахўрлик, товламачилик, ким ошди савдоларида тил бириктириш, малакали (квалифицияланган, жиддий, оғир) фирибгарлик, шахсий маълумотларни қонунга хилоф равишда эгаллаш каби жиноятларни содир этганликда айбланяпти. Иккала тергов бўйича жами 106 нафар гумонланувчига нисбатан қамоққа олиш тарзидаги эҳтиёт чораси қўлланилган.
Шунингдек, Бош прокуратуранинг баёнотидан маълум бўлишича, тергов материаллари орасида МАСАК ҳисоботлари, солиқ экспертизаси хулосалари, депозитлар ҳақида ҳисоботлар, гувоҳларнинг баёнотлари ва бошқа далиллар мавжуд. Тергов ҳар томонлама ўта пухта ва синчковлик билан олиб борилмоқда.
Маълумот ўрнида, Республикачилар халқ партияси номидан президентлик сайловларида ўз номзодини олға сурмоқчи бўлган Акром Имомўғлининг олий маълумотли эканлиги тўғрисида дипломи бекор қилинган. Хусусан, 18 март куни Истанбул университети Туркия прокуратураси сўровига кўра Имомўғлининг 1995 йилда олган дипломи бекор қилинишини маълум қилганди. Бунга 1990 йилда Кипр шимолидаги хусусий университетдан Истанбул университетининг бизнес бошқаруви факултетига ўтишида йўл қўйилган қонунбузарликлар сабаб қилиб кўрсатилган.
Бу кўпчилик томонидан мухолифатчи мэрнинг навбатдаги президентлик пойгасида иштирок этишига тўсқинлик қилиш учун сиёсий сабаб сифатида қабул қилинган. Маълумки, олий маълумот тўғрисидаги диплом Туркиядаги президентлик сайловларида иштирок этишнинг мажбурий шарти ҳисобланади. Имомўғли университет қарорини «юридик жиҳатдан асоссиз» ва «академик ҳаётга сиёсий аралашувнинг хавотирли белгиси» деб атади. Имомўғли 23 март куни кейинги президентлик сайловларида номзод сифатида эълон қилинадиган қурултой ўтказишни режалаштирган эди. Туркияда кейинги президентлик сайловлари 2028 йилга белгиланган бўлиб, сайлов муддатидан олдин ўтказилиши ҳам мумкин.
Маҳаллий ОАВ мэр конституциявий тузумга тажовуз қилиш, жиноий ташкилот тузиш ва «Курдистон ишчилар партияси»га ёрдам бериш»да ҳам айбланмоқда. Бундан ташқари, Имомўғли тендер ва шартномалар билан боғлиқ, коррупцияга қарши кенг кўламли амалиёт доирасида ушлангани очиқланган.
2019 йилдан буён Истанбул шаҳри мэри ҳисобланган сиёсатчи ҳибсга олиниши фонида шаҳарда бир нечта йўл ёпилди ва тўрт кун давомида ҳар қандай намойишлар ўтказиш тақиқланди. Шунингдек, NetBlocks мониторинг хизмати хабар беришича, Туркияда X ижтимоий тармоғи (собиқ твиттер), YouTube, Instagram ва TikTokʼга кириш чекланган.
Бу воқеа фонида турк лираси курси рекорд даражада қулади. Тошкент вақти билан соат 12:42 га келиб лира курси бир доллар учун 40,95 лирага тушди, бу тарихдаги энг паст кўрсаткич бўлди. Yahoo Finance маълумотларига кўра, валюта кейинчалик бироз пасайиб, соат 13:10 га келиб бир доллар учун 38,91 лирага тенг бўлган.
Бўлиб ўтган ҳодисалардан сўнг, Туркия президентининг матбуот хизмати раҳбари Фахриддин Алтун Истанбул мэри Акром Имомўғлининг ҳибсга олинишига изоҳ берди.
Хусусан, Туркия ҳукумати барча жамоатчилик қатламларини «мустақил суд ҳокимияти томонидан қабул қилинган ҳар қандай қарорга ҳурмат билан муносабатда бўлишга» чақирган.
«Мустақил суд ҳокимияти томонидан қабул қилинган ҳар қандай қарорни жамоатчиликнинг барча қатлами ҳурмат қилиши керак. Истанбул Бош прокуратураси томонидан ўтказилган терговлар доирасида шаҳар мэри идораси мансабдорлари ва бошқа гумонланувчиларни ҳибсга олиш тўғрисидаги қарор қабул қилингандан сўнг айрим доиралар, айниқса, асосий мухолифат партиялари раҳбарлари, сиёсий ва мафкуравий сабаблар билан терговнинг яхлитлигини издан чиқаришга уринаётганини кўряпмиз. Биз турк миллати номидан ўз ваколатларини амалга ошираётган суд органларимизнинг мустақиллигини издан чиқаришга қаратилган бундай уринишларга қатъий қаршилик кўрсатишда давом этамиз», — деб ёзади Алтун Х ижтимоий тармоғидаги саҳифасига.
Шунингдек, таъкидланишича, президент идораси «бошланган терговнинг мазмуни ва тафсилотлари билан танишмасдан туриб, сиёсий ва мафкуравий баҳоларга асосланган туҳмат характеридаги айбловлар илгари сурилаётганини» қайд этган.
