EFFECT.UZ – ҲАҚИҚАТ УЧУН!
Сўнгги янгиликлар
Исроил Эрон ядро дастури ривожланишини тўхтатиш учун қурол ишлатишга тайёр

Исроил Эрон ядро дастури ривожланишини тўхтатиш учун қурол ишлатишга тайёр

Исроил Эрон ядро дастури ривожланишини тўхтатиш учун қурол ишлатишга тайёр, деди давлат мудофаа вазири Бенни Гантс.

Эрон бутун дунёнинг муаммоси ва фақатгина Исроил давлатининг шахсий муаммоси эмас. Биз атомни тўхтатиш учун зарба беришимиз мумкин” —  Мудофаа вазирлиги раҳбари.

Эрон ҳукумати ядровий қурол яратиш учун эмас, балки фақат атом энергиясидан тинч мақсадларда фойдаланиш учун ҳаракат қилаётганини бир неча бор таъкидлаган.

Марказий разведка бошқармаси директори  Уилям Бернс 21 июль куни таъкидлаганидек, АҚШ разведкаси “эронликлар ядровий дастурнинг таркибий қисмларини қуроллантириш бўйича саъй-ҳаракатларини тикламаган” деб баҳолади.

Шу билан бирга, Эрон ядровий келишувдан чиққанидан кейин бир неча ҳафта ичида ядровий қурол яратиш учун зарур бўлган компонентларни олиш имкониятига эга, дея қўшимча қилди Бернс.

Ўз навбатида, Исроил бош вазири Яир Лапид июль ойида АҚШ президенти Жо Байден билан қўшма матбуот анжуманида “эркин дунё” давлатлари Теҳронга қарши ядровий дастурини тўхтатиш учун куч ишлатишга тайёр эканини таъкидлаган эди.

2015 йилда Россия, Буюк Британия, Германия, Хитой, АҚШ, Франция ва Эрон ядровий битим – Эроннинг ядровий дастурини чеклаш эвазига санкцияларни бекор қилишни назарда тутувчи Қўшма кенг қамровли ҳаракатлар режасини (ЖCПОА) имзолади.

2018 йил май ойида АҚШ президенти Доналд Трамп ЖCПОАдан чиқди ва Теҳронга қарши санкцияларни тиклади.

Бунга жавобан Эрон келишув бўйича ўз мажбуриятларини босқичма-босқич қисқартириш, ядровий тадқиқотлар, центрифугалар ва уранни бойитиш даражасига қўйилган чекловлардан воз кечишини эълон қилди.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING