title

Сўнгги янгиликлар

17:24 / 2025-01-04 159

Сторителлинг ва мутолаанинг инсон ривожидаги ўрни...

15:53 / 2024-12-26 846

Парламентда Нукус воқеалари бўйича тузилган комиссия ахбороти тингланди

17:32 / 2025-01-04 994

Навоийга Монголиядан 1000 бошга яқин Баят зотига мансуб қўйлар олиб келинди

14:31 / 2024-12-19 1460

Фаоллар айтаётган “иқтидор” эгаси оддий “Виртуал валютачи” бўлган...

19:41 / 2024-12-18 1355

Рустам Минниханов бошчилигидаги Татаристон делегацияси Навоий вилоятига ташриф буюрди

22:41 / 2024-12-16 2097

Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада

21:03 / 2024-12-16 1669

Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди

13:53 / 2024-12-16 1726

Ички аудит хизмати ходимларининг фаолияти самарадорлигини баҳолаш тартиби белгиланди

12:27 / 2024-05-07 8321 0 Жамият

Ўзбекистон, Тожикистон, Қирғизистон махсус хизмат раҳбарлари Фарғонада учрашди

Кеча, 6 май куни Фарғона шаҳрида Қирғизистон, Тожикистон ва Ўзбекистон хавфсизлик хизмати раислари учрашув ўтказган. Бу ҳақда Ўзбекистон ДХХ матбуот хизмати хабар бермоқда.

Қайд этилишича, Қирғизистон Вазирлар Маҳкамаси раиси ўринбосари – мамлакат Миллий хавфсизлик давлат қўмитаси раиси Қамчибек Ташиев, Тожикистон Республикаси Миллий хавфсизлик бўйича Соймўмин Ятимов ва Ўзбекистон Давлат хавфсизлик хизмати раиси Абдусалом Азизов ўзаро музокара ўтказган.

Таъкидланишича, музокаралар чоғида томонлар очиқ ва махфий тарзда минтақавий хавфсизликни таъминлашга оид барча муаммолар кўламини атрофлича муҳокама қилган. Шунингдек, мулоқотда минтақадаги терроризм, экстремизм, наркотик моддаларнинг ноқонуний айланиши, ноқонуний миграция, контрабанда ва трансчегаравий характердаги таҳдид ва таҳликаларга қарши курашиш каби долзарб соҳалардаги ҳамкорликнинг ҳолати ва истиқболлари юзасидан фикр алмашилган.

Томонлар ўртасида чегарадош ҳамкорлик ва умуман олганда, яхши қўшничилик муносабатларини ривожлантириш учун қулай шарт-шароитлар яратиш масалаларига тўхталиб ўтилган.

Мулоқотда Қирғизистон Республикаси ва Тожикистон Республикаси ўртасидаги давлат чегараларини делимитация қилиш билан боғлиқ кун тартибидаги масалалар, шунингдек, Ўзбекистон Республикаси ва Қирғизистон Республикаси ўртасидаги чегараларни демаркация қилиш масалалари конструктив тарзда кўриб чиқилган.

Учрашув иштирокчилари қирғиз-тожик чегараларини делимитация қилиш ва ўзбек-қирғиз давлат чегараларини демаркация қилиш жараёнларини жадаллаштириш бўйича келишувларга эришди ва томонларнинг ўзаро манфаатларини ҳисобга олган ҳолда ушбу масалаларни ҳал этиш бўйича амалий чора-тадбирларни белгилаб олган.

Музокаралар якунида Қирғизистон-Тожикистон ҳукуматлараро комиссияси аъзоларига чегаранинг қолган участкаларини мувофиқлаштириш, шунингдек, тегишли икки томонлама шартномани тайёрлаш ва имзолаш бўйича аниқ топшириқлар берилган.