Косонсойда Президент мактаби очилади
Наманган вилоятининг Косонсой туманида Президент таълим муассасалари Агентлигига қарашли ихтисослаштирилган мактаб очилади. Тумандаги 52-ДИУМ негизида ташкил этилиши режалаштирилган махсус мактабни янги ўқув йили олдидан фойдаланишга топширилади. Бу ҳақида Наманган вилояти ҳокимлиги ахборот хизмати хабар бермоқда.
Бугун, Наманган вилояти ҳокими Шавкатжон Абдуразаков ихтисослаштирилган мактабда бўлиб, қурилиш-таъмирлаш жараёнлари билан танишди.
"Бу ерда таҳсил оладиган болаларимиз, келгусида Ватан тараққиёти йўлида муҳим кадр бўлиб етишишларига ишончим комил", дейди вилоят ҳокими.
Маълумот учун, тегишли тадбирлар режасига асосан, "Ishonch Building" қурилиш корхонаси томонидан таъмирлаш ва замонавий кўринишга келтириш ишлари олиб борилмоқда.
«Улашинг»
