Сўнгги янгиликлар
Пластик карта орқали пора олган божхона инспекторига жиноят иши қўзғатилди
«UzAuto Motors» АЖдан мижозлар учун янгилик
Туркия ва Ўзбекистон ўртасида туризм соҳасидаги ҳамкорлик янги босқичга чиқмоқда
Саида Мирзиёевада янги ваколатлар
Ўзбекистонда доллар курси яна пастлади
Қашқадарёда дарёга чўмилиш учун борган аёллар чўкиб кетди
Қорақалпоғистондаги туманда жазирама сабаб боғчалар ёпилди
Анталия соҳилларида ҳалокатга учраган 2000 йиллик кемадан ноёб тарихий ашёлар топилди
«Титаник» сирлари. Бортида миллиардер бўлган батискаф Атлантика океанида ғойиб бўлди
Беш нафар экипаж аъзоси билан ғойиб бўлган сайёҳлик сув ости кемасида яқин бир неча соат ичида ҳаво етишмаслиги мумкин.
Британиянинг “Magellan” компаниясининг масофадан бошқариладиган чуқур денгиз машинаси “Титан” батискафи ғойиб бўлган Атлантика океанига жўнатилади. Бу ҳақда Британиянинг Express газетаси хабар бермоқда.
Қайд этилишича, қурилма сув остига шўнғишни ташкил қилган OceanGate Expeditions компанияси илтимосига кўра жўнатилади.
“Жанубий Шилдсда жойлашган Британиянинг “Magellan” компаниясининг масофадан бошқариладиган машинаси (POV) ҳозирда Жерси аэропортида C17 самолётига юкланмоқда”, — дейилади хабарда.
Атлантика океанида беш нафар экипаж аъзоси билан ғойиб бўлган сайёҳлик сув ости кемасида яқин бир неча соат ичида ҳаво етишмаслиги мумкин. Нашрнинг ёзишича, қурилма 48 соат ичида, яъни батискафда кислород тугаганидан кейин етиб боради.
NBC телеканалининг хабар беришича, батискаф ичидаги кислород тахминан Тошкент вақти билан 15:30 да тугаган бўлиши мумкин.
Эслатиб ўтамиз, беш нафар экипаж аъзосидан иборат сайёҳлик қурилмаси “Титаник” вайроналари олдига тушиш вақтида ғойиб бўлди.
Американинг OceanGate Expeditions компаниясига тегишли сувости кемаси бортида унинг асосчиси Стоктон Раш, француз чуқур денгиз фахрийси Пол-Анри Наржеоле, британиялик миллиардер ва космик сайёҳ Ҳамиш Хардинг, покистонлик тадбиркор Шаҳзода Довуд ва унинг ўғли Сулеман бор.
