title

Беларуснинг қувғиндаги мухолифат етакчиси Светлана Тихановская суд олдида жавоб беради, у давлатга хиёнат қилишда айбланмоқда, дея хабар бермоқда Reuters нашри.

Хабарингиз бор, 40 ёшли Тихановская 2020 йилги президентлик сайловларида Лукашенкога рақиб бўлганидан сўнг Белоруссиядан қочиб кетган.

Сайловда амалдаги Белорусь президенти Александр Лукашенкога мағлуб бўлгач, “Батька”ни сайлов сохталаштирилганликда айблади.

Шундан сўнг мамлакатда кенг кўламли норозилик намойишлари бошланди. Муҳолифат раҳбарига ҳозирда ўта оғир жазо қўйилди, у 15 йилгача қамоқ жазосига ҳукм қилиниши мумкин.

Ҳозирда Литва пойтахти Вилнюсда яшовчи Тихановская Reuters агентлигига берган интервьюсида суд адолатли ўтишига ишонмаслигини айтган.

“Беларусда ҳалол судлар йўқ. Биз мамлакатимизда мутлақо қонунбузарлик шароитида яшаяпмиз, шунинг учун эртанги суд ҳақиқий бўлмайди, “фарс ва шоу бўлади”, — деди Тихановская.

Унинг айтишича, у суд томонидан тайинланган адвокатдан керакли ҳужжатларни сўраган, аммо ҳеч нарса олмаган. БEЛТА давлат ахборот агентлигининг хабар беришича, суд сешанба куни эрталаб бошланган. Тихановская ва яна бир қанча шахслар давлатга хиёнат ва ҳокимиятни эгаллаб олишга уринишда айбланмоқда.

“Тихановская, Литва Республикаси ҳудудида бўлиб, ўзини сўнгги сайловларда ғолиб деб эълон қилди ...”, - деди Бош прокуратура.

Суд бошланишидан бир кун олдин 2020 йилда Лукашенкога қарши курашмоқчи бўлган 44 ёшли влогер, Тихановскаянинг қамоқдаги турмуш ўртоғига янги жиноий иш қўзғатилди.

Ҳуқуқ фаолларининг ҳисоб-китобларига кўра, Беларусда 1500 га яқин одам сиёсий айбловлар билан қамалган. Шу жумладан, тинчлик учун Нобел мукофоти совриндори Алес Биалиатски ва яна икки кишини норозилик намойишларини молиялаш ва пул контрабандасида айблаб, қамоққа олди.

Улар норозилик намойишларини молиялаш ва пул контрабандасида айбланиб, 7 йилдан 12 йилгача озодликдан маҳрум этилиши мумкин.