So`ngi yangiliklar
Turkiya yarim yilda turizmdan qariyb 26 mlrd dollar daromad oldi
Shavkat Mirziyoyev va Vladimir Putin oʻrtasida telefon muloqoti oʻtkazildi
Oʻzbekistonda 3 mingdan ortiq ayol taksistlik qilmoqda
Rossiya janubida dronlar neft zavodi va temir yoʻlni nishonga oldi
Samarqandda “maxfiy” oltin konlar xaritalarini sotmoqchi boʻlgan kompaniya direktori ushlandi
Qashqadaryoda uyida 60 tup kannabis ekkan fuqaro qoʻlga olindi
Oʻzbekiston iyun oyida dunyoda eng koʻp oltin sotib oldi
Chorvachilikda yangi qonun: bir martalik identifikatsiya bepul boʻladi
Turkiya yarim yilda turizmdan qariyb 26 mlrd dollar daromad oldi
Dunyoning eng katta 4-turizm bozori boʻlgan Turkiya turizm sohasidagi birinchi 6 oylik natijalarini maʼlum qildi.
Istanbuldagi matbuot anjumanida eʼlon qilingan natijalarga koʻra, Turkiya turizmning asosiy koʻrsatkichlarida barqaror oʻsishni qayd etdi. Turkiya Respublikasi Madaniyat va turizm vaziri Mehmet Nuri Ersoyga koʻra, 2025-yilning birinchi yarmida mamlakatga 26 million 388 ming 831 nafar xorijlik ziyoratchi tashrif buyurgan. Turkiyaning joriy yilning birinchi yarmida turizmdan tushgan daromadi 7,6 foizga oʻsib, 25,8 milliard dollarga yetdi. 2025-yilning dastlabki 6 oyida Turkiyaga tashrif buyurgan xalqaro sayyohlar mamlakatda oʻrtacha 10 kecha qolishgan, bu koʻrsatkich oʻtgan yilning shu davriga nisbatan atigi 0,9 foizga past, lekin bir kecha-kunduzda oʻrtacha 106 dollar sarflagan, bu 2024-yilning shu davriga nisbatan 8 foizga koʻpdir.
“Yilning birinchi yarmida sodir boʻlgan koʻplab geosiyosiy qiyinchiliklarga qaramay, Turkiya turizm sohasida barqaror oʻsishni saqlab qoldi. Yoʻnalishlarimiz, mahsulotlarimiz va xizmatlarimizni diversifikatsiya qilishga qaratilgan strategik harakatimiz oʻz samarasini bermoqda. Ushbu qiyin sharoitda ham asosiy koʻrsatkichlarda oʻsish davom etmoqda. Umid qilamizki, turizmdan yil yakuniga qadar 64 milliard dollar daromad olib, oʻz oldimizga qoʻygan maqsadimizga erishamiz”, dedi vazir Mehmet Nuri Ersoy.
Yilning birinchi olti oyida Turkiyaga eng koʻp tashrif buyurganlar 2,61 million kishi bilan Rossiya Federatsiyasi, 2,42 million kishi bilan Germaniya va 1,75 million kishi bilan Buyuk Britaniya boʻldi. Shuningdek, Amerika qitʼasidan, koʻplab yevropalik raqobatchilardan hamda Markaziy Osiyo va Osiyo-Tinch okeani mintaqasidagi mamlakatlardan kelgan turistlar sonida ham sezilarli oʻsish kuzatildi.
