So`ngi yangiliklar
“Strongmen Games”: Kuchlilar aniqlandi
Turkiyadagi eng maftunkor yaxta manzillari
“Oʻzlaringizga yaxshi boʻlmaydi” – Oqdaryo hokimligi fermerlar pilla rejasini topshirishga majbur ekanligini aytgan “zam” hokimning harakatlarini oqlab chiqdi
Botir Zaripov noqonuniy holatlarning oldini olishni maqsad qilgan – Buxoro hokimligi munosabat bildirdi
“Nevaramning chet elda oʻqishi uchun qanday pul topsam deb uyqularim qochadi” – olmaliqlik faol “Umid” fondi yopilganidan ranjib, yangi taklif bilan chiqdi
Dunyo bilan barobar qadam…
“Antaliya Gambit”: Turk Riviyerasida hayajonli hikoya
Ona farzandini vasiylik va homiylik tashkilotiga topshirishni hohlamagan
Turkiyadagi eng maftunkor yaxta manzillari
Uch tomondan Oʻrta yer dengizi, Egey va Qora dengiz bilan oʻralgan Turkiya yaxta turizmi uchun mukammal maskandir.
Mamlakatning keng qirgʻoqlari, toza plyajlari va maftunkor qoʻltiqlari yaxta ishqibozlari uchun naq “jannat”ning oʻzginasi.
Mugʻla: Ikki dengiz mehriga burkangan marvarid sohil
Turkiya turizmining yorqin yulduzi Mugʻla Oʻrta yer dengizi va Egey dengizlari tutashgan joyda joylashgan boʻlib, mamlakatning eng mashhur qirgʻoq shaharlarini yaxtada sayohat qilish uchun ayni muddaodir. Bodrumda Goʻlturkbuku va Superyacht Marina Awards (Jahon super yaxta marina mukofoti) mukofotiga sazovor boʻlgan Yalikavak kabi 24 soatlik xavfsizlik va VIPxizmatlariga ega hashamatli marinalar mavjud. Bu marinalar oʻz yaxtalari uchun xavfsiz va zamonaviy toʻxtash joyini qidirayotganlar uchun ideal boʻlib, elektr energiyasidan tortib dushgacha boʻlgan koʻplab imkoniyatlarga ega, shu bilan birga yaxta egalari va tashrif buyuruvchilar uchun noyob imtiyozlarni taqdim etadi.
Masalan, ayniqsa yoz oylarida quyosh nurlari qayiq yuzasiga zarar yetkazishi mumkinligi uchun xavfsizlikni oshirish choralari koʻrilmoqda, toʻxtash joylari kengaytiriladi va yaxtalar uchun keng manevr joylari ajratiladi. Bodrumga tashrif davomida hashamatli mehmonxonalarda qolib, dunyoga mashhur restoranlarda ovqatlanib, dunyo tanigan yulduzlarning jonli konsertlaridan bahramand boʻlish, koʻplab dizaynerlarning butiklaridan xarid qilish yoki Turkiyaning eng yaxshi yelkanli yaxtalarining Bodrum kubogi musobaqalarini tomosha qilish mumkin.
Marmaris oʻzining tabiiy bandargohi va yuqori darajadagi marinalari bilan hayratda qoldiradi, ular elektr va suv taʼminoti kabi klassik xizmatlardan tashqari, shuningdek quruqlikdagi toʻxtash joylari va sayohat liftlari bilan barcha ob-havo sharoitlarida toʻliq xavfsizlikni taʼminlaydi.
Fethiye dengiz portlari, himoyalangan ankrajlari, texnik infratuzilmasi va shaxsiy xavfsizligi, shuningdek, qayiq tashuvchilar kabi qoʻshimcha imkoniyatlari bilan ajralib turadi. Asosiy yoʻnalishlardan tashqari, Goʻkova koʻrfazi va Goʻjek kabi koʻplab joylarda bir xil darajadagi ajoyib marina alternativlarini koʻrish mumkin. Mugʻla maftunkor sohillaridan tashqari, shuningdek, Kariya va Likiya qadimiy shaharlari va Egey taomlari, ayniqsa yangi dengiz mahsulotlari bilan mashhurdir.
Izmir: shahar energiyasi va Egey sakinati uygʻunlashgan betakror maskan
Egey dengizining marvaridi boʻlgan Izmir jonli shahar hayotini qirgʻoq jozibasi bilan uygʻunlashtiradi va marinalar shaharning yuqori sifatli hayotini boshdan kechirish uchun “eshik”dir. Marinalar shahar markazidan boshlab, oltin plyajlari, shamol syorfingi va termal suvlari bilan mashhur boʻlgan Cheshme va Alachati dam olish maskanlari hamda Seferihisar va Focha Cittaslow shaharlarigacha choʻzilgan. Quruqlikda va dengizda qayiq sigʻimi yuqori boʻlgan ushbu marinalar quruq hovuzlar, qayiqlarga texnik xizmat koʻrsatish va taʼmirlash, kameralar bilan 24 soatlik xavfsizlik, qayiqlarni tortish va suvga tushirish xizmatlari, yoqilgʻi quyish shoxobchalari, kasalxona, elektr va suv, hojatxonalar va dush, simsiz internet, taksofonlar, suzish platformalari, plyajlar, toʻxtash joylari va yaxta klublari bilan taʼminlaydi. Bundan tashqari shaharning qadimiy merosi, zamonaviy madaniyati, Egey taomlari, Mishlen tomonidan tan olingan restoranlarning boy aralashmasi oʻziga xosligi bilan qalblardan joy olmoqda. YUNESKOning Efes hududiga eng yaqin marina mintaqaning asosiy portlaridan biri boʻlgan Kushadasida joylashgan.
Istanbul: qitʼalar va madaniyatlar uchrashadigan joy
Turkiyaning jonli poytaxti Istanbul, shuningdek, Bosfor va Marmara dengizi sohillarida zamonaviy marinalarning keng tarmogʻiga ega. Istanbulning Atakoʻydan Kalamish va Buyukchekmejedan Tarabyagacha boʻlgan marinalari shaharning Yevropa va Osiyo tomoniga yoyilgan. Hatto mega yaxtalarni qabul qiloladigan darajada yuqori sigʻimga ega boʻlgan Istanbul marinalari bozorlari, restoranlari, kafeteryalari, sogʻlomlashtirish va sport markazlari, bolalar oʻyin maydonchalari, ochiq avtoturargohlar, kir yuvish va basseynlari bilan xalqaro standartlarga ega.
Ular, shuningdek, xavfsiz bogʻlash joylari, chiqindilarni yigʻish va ajratish qurilmalari, yoqilgʻi quyish shoxobchalari, Wi-Fi xizmatlari, mobil liftlar va yaxta egalari uchun konserj/valet xizmati, shuningdek, barcha shahar transport punktlariga oson kirish imkoniyatiga ega. Bundan tashqari, Istanbul marinalarining ustaxonalari boʻyoq va lak qoʻllashdan tortib, elektron jihozlarni taʼmirlashgacha texnik /taʼmirlash ishlarini olib boradi, yaxta klublari esa yaxta egalariga sogʻlomlashtirish va sport markazlari, suzish havzalari va tennis kortlari bilan xizmat qiladi. Marinalardan tashqari, dinamik sanʼat va madaniyat sahnasi, tarixiy diqqatga sazovor joylar, shov-shuvli tungi hayot, cheksiz xarid qilish imkoniyatlari va mazali taomlar kabi shaharning qizgʻin hayotidan bahra olish mumkin.
