So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Turkiyada “Tungi muzeylar” loyihasi iyun oyida yangi mavsumini boshlaydi
Turkiyaning madaniy diqqatga sazovor joylarini tunda kashf qilish imkonini beruvchi “Tungi muzeylar” loyihasi iyun oyida yangi mavsumini boshlaydi.
Turkiya Madaniyat va turizm vazirligi tomonidan oʻtgan yili yoʻlga qoʻyilgan loyiha katta qiziqish uygʻotdi va Turkiyaning eng muhim madaniy meros obyektlari boʻlgan Izmirning Efes shahri va Denizlining Hiyerapolisi (Pamukkale)ga 395 mingdan ortiq sayyoh tashrif buyurdi. Joriy yilning yozida loyiha doirasida butun mamlakat boʻylab 25 ta obyekt yoritiladi va kechgi vaqtgacha ochiq boʻladi.
Tashabbus Turkiyaning 12 oy davomida 81 shaharda turizmni kengaytirish qarashlariga muvofiq barqaror turizmni qoʻllab-quvvatlaydi va loyiha hozirda Istanbulning Galata minorasi, Kappadokiyaning muhim arxeologik obidalari va yer osti shaharlari hamda Turkiya boʻylab koʻplab maftunkor tarixiy joylaridan iborat jami 25 ta joyni qamrab oldi.
Istanbul va Anqaradagi ikonik muzeylarda kengaytirilgan ish soatlari
“Tungi muzeylar” loyihasi doirasida Istanbul va Anqaradagi muhim madaniy markazlarda ish soatlari uzaytiriladi. Istanbulda Arxeologiya muzeylari (yopiq maydonlar bundan mustasno), Aya Sofiya tarix va tajriba muzeyi, Turk va islom sanʼati muzeyi soat 22.00 gacha ochiq boʻladi. Ayni paytda, Galata minorasini soat 23:00 gacha ziyorat qilish imkoniyati mavjud. Turkiyaning poytaxti Anqarada Respublikaning eng qadimgi ikki muzeyi ham tungi ziyoratchilar uchun ochiqdir. Xettlar, Urartular, Frigiyaliklar va boshqa koʻplab asarlar saqlanadigan Onadoʻli sivilizatsiyalari muzeyi va Otaturkning birinchi dam olish maskani boʻlgan Etnografiya muzeyi soat 21:00 gacha ochiq boʻladi.
Egey va Turk Riviyerasi boʻylab abadiy meros
Turkuaz rangli Egey qirgʻogʻi va serquyosh Turk Riviyerasida quyosh botgandan keyingi sehrli manzara koʻzni qamashtiradi. Yuqori sifatli hayoti va Egey oshxonasi bilan mashhur boʻlgan Izmir, Rim davrida gullab-yashnagan Efes, Madaniyat va sanʼat fabrikasi kechqurun mahalliy va xalqaro sayyohlar bilan gavjumdir hamda 23:00 gacha ochiqdir. 140-yillik Alsanjak Tekel fabrikasidan qayta tiklangan Madaniyat va sanʼat fabrikasi Izmir sanoat merosining muhim elementi sifatida shaharning eng koʻzga koʻringan manzillaridandir.
Mugʻladagi Bodrum suv osti arxeologiya muzeyi soat 22:00 ga qadar ochiq boʻlsa, Denizlidagi Hiyerapolis qadimiy shahrini soat 23:00 gacha ziyorat qilish mumkin. Turkiyaning Oʻrta yer dengizi sohiliga kelsak, Antaliyada ham tungi tashriflar mavjud boʻladi. Antaliya muzeyi, Alaniya muzeyi, Nekropol muzeyi va Aspendos, Patara va Side arxeologik yodgorliklari soat 22:00 gacha faoliya tyuritadi.
Onadoʻli boʻylab….
Turkiyadagi boshqa koʻplab tarixiy boyliklar ham ish vaqtini uzaytiradi. Kommageniya qiroli Antiox I tomonidan oʻrnatilgan ulkan haykallari bilan mashhur va Adiyamandagi YUNESKOning Jahon merosi boʻlgan Nemrut togʻi quyosh chiqishidan bahra olishni istaganlar uchun ertalab soat 04:00 dan 9:00 gacha yoritiladi va ochiq boʻladi. Kappadokiyada peri bajalarga boy Nevshehir, Derinkuyu, Kaymakli va Oʻzkonak yer osti shaharlari soat 21:00 ga qadar faoliyatini davom ettiradi. Janubi-sharqiy Onadoʻlining ikki muhim shahri Gaziantep va Shanliurfa ham kechalari ikonik muzeylarining eshiklarini ochadi. Qadimgi Zeugma shahrining ajoyib mozaikalari bilan bir qatorda Rim davridan qolgan haykallari namoyish etilgan Gaziantep Zeugma mozaika muzeyi soat 21:00gacha ishlaydi.
Turkiyaning oshpazlik poytaxti va gastronomiya boʻyicha YUNESKOning ijodiy shahri Gaziantep, Goʻbeklitepe va Karahantepe kabi dunyodagi eng qadimiy neolit obidalari joylashgan Shanliurfa, shuningdek, 21:00 ga qadar ochiq ikkita muzeyga ega: Koʻrgazma maydoni boʻyicha Turkiyadagi eng yirik va 4,5 kilometrlik yoʻlda 10 000 dan ortiq asar namoyish etilgan dunyodagi eng yirik muzeylardan biri Shanliurfa muzeyi va Turkiyaning eng katta ustunsiz inshooti boʻlgan Haleplibahche mozaika muzeyi. Qoradengizhududidagi Samsun muzeyi Kalkolit, Ilk Bronza, Xet, Ellinistik va Rim davrlariga oid asarlarni22:00 ga qadar namoyish etadi. “Tungi muzeylar” loyihasi doirasida Turkiya sharqidagi Erzurum muzeyi ish vaqtini uzaytiradi va soat 21:00 gacha ochiq qoladi.
