So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Oʻzbekistonga C gepatitiga qarshi dorining joriy yildagi ilk partiyasi olib kelindi
Misr hukumati tomonidan Oʻzbekistonga insonparvarlik yordami sifatida gepatit Cʻga qarshi dori vositasining 2025-yildagi ilk partiyasi yetkazildi.
Bu haqda “Dunyo” axborot agentligi xabar berdi. Qayd etilishicha, ushbu insonparvarlik loyihasi Prezident Shavkat Mirziyoyevning Oʻzbekistonda C gepatitini 100 foiz davolash boʻyicha tashabbusi ijrosi doirasida amalga oshirilgan.
Oʻzbekiston diplomatik vakolatxonasi va Misr Sogʻliqni saqlash vazirligi rahbariyati oʻrtasida oʻtkazilgan muzokaralar natijasida, umumiy qiymati 114 ming 829 AQSH dollariga teng 31 ta qutida 7440 dona boʻlgan C gepatitiga qarshi “Sofosbuvir-400mg” dori vositasining begʻaraz insonparvarlik koʻmagi sifatida taqdim etilishiga erishilgan.
Mazkur dori vositalari 31-may kuni “Uzbekistan Airways” aviakompaniyasi samolyotida Sharm ash-Shayx–Toshkent aviayoʻnalishi boʻyicha Oʻzbekistonga olib kelingan.
Dorilar mamlakatda C gepatitini 2030-yilga qadar bartaraf etish boʻyicha milliy dasturga asosan Sogʻliqni saqlash vazirligi huzuridagi Virusologiya ilmiy-tekshirish institutiga taqdim etiladi.
Oʻzbekiston elchixonasi xabariga koʻra, 2023-2024-yillarda Misr hukumati tomonidan mamlakatga C gepatitiga qarshi kurashish uchun umumiy vazni 12,4 tonna boʻlgan “Daklatasvir” va “Sofosbuvir” dori vositalari 27 partiyada insonparvarlik koʻmagi sifatida berilgan.
Mazkur dori vositalarining umumiy qiymati 1,4 million AQSH dollariga teng.
