So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Yevropa ittifoqi fevral oyida rekord darajada gaz xarid qildi
Bu haqda gaz eksport qiluvchi mamlakatlar forumi hisobotiga tayanib, “RIA Novosti” xabar berdi.
Maʼlum boʻlishicha, yoqilgʻi yetkazib berish oʻtgan yilga nisbatan 19%ga oʻsib, 11,99 million tonnaga yetgan. Bunday tendensiya sovuq ob-havo sharoitida quvurlar taʼminotining qisqarishi va isitish uchun gazga boʻlgan talabning oshishi bilan izohlanadi. Shuningdek,“Politiko” nashrining yozishicha, Yevropa Ittifoqi Rossiyaning suyultirilgan gaz importini butunlay taqiqlamadi, chunki u avval AQSH bilan yoqilgʻi yetkazib berish boʻyicha kelishib olmoqchi.
“Yevropa Ittifoqi fevral oyida Rossiyaga qarshi sanksiyalarni qabul qilganda, bosim kuchayib borayotganiga qaramay, amaldorlar Rossiya suyultirilgan tabiiy gaziga taqiqni kiritmadilar. Bunga sabab Donald Tramp bilan davom etayotgan muzokaralar edi: Yevropa Ittifoqi Vashington bilan kelishuvga erishmaguncha Rossiya keltirilayotgan yoqilgʻiga rasmiy taqiq qoʻyishni taklif etishni xohlamadi,” deya manbaning soʻzlarini keltiradi “RIA Novosti”.
2025-yil mart oyi boshiga kelib, Yevropadagi yer osti gaz omborlaridagi yoqilgʻi zaxiralari ularning umumiy sigʻimining deyarli 38%igacha tushib ketgan. Bu uch yil ichidagi eng past koʻrsatkichdir. Yevropa gaz infratuzilmasi operatorlari uyushmasi (GIE) maʼlumotlariga koʻra, bu koʻrsatkich mart oyi boshidagi soʻnggi besh yillik oʻrtacha koʻrsatkichdan 11,46% punktga orqada qolmoqda.
2024-yil 31-martda yakunlangan oʻtgan isitish mavsumini Yevropa davlatlari yer osti gaz omborlarining rekord darajadagi toʻldirish koʻrsatkichi — 58,44% bilan tugatdilar.
