Zelenskiy: Londonda Ukraina xavfsizlik kafolatlarini muhokama qildim

Ukraina prezidenti Yevropa sammitida hamkorlar bilan Ukraina boʻyicha “xavfsizlik kafolatlari va adolatli tinchlik shartlari”ni muhokama qilganini aytdi. 

“Biz yaqin kelajakda bir qator muhim uchrashuvlar va qarorlar tayyorlayapmiz”, — deya qoʻshimcha qildi u. Ukraina prezidenti Volodimir Zelenskiy Yevropa sammitida hamkorlari bilan Ukraina boʻyicha “xavfsizlik kafolatlari va adolatli tinchlik shartlari”ni muhokama qilganini aytdi. Zelenskiy tegishli xabarni 2-mart, yakshanba kuni oʻzining Telegram-kanaliga joylashtirgan.

“Biz yaqin kelajakda bir qator muhim uchrashuvlar va qarorlar tayyorlayapmiz”, — dedi u.

AQSH bilan hamkorlik uchun asos tayyorlash

“Biz barchamiz Yevropada chinakam tinchlik va kafolatlangan xavfsizlik yoʻlida Amerika bilan hamkorlik qilish uchun ishonchli asos yaratish boʻyicha birga ishlayapmiz”, — deya qoʻshimcha qildi Ukraina rahbari.

Zelenskiyning soʻzlariga koʻra, “Yevropa birligi juda yuqori darajada, bu uzoq vaqtdan beri kuzatilmagan”.

Ayni paytda Boltiqboʻyi mamlakatlari sammitga taklif qilinmagan. Ular buni hech qanday tarzda ochiq tanqid qilishmadi. Biroq, Litva prezidenti maslahatchisi Asta Skaisgiryte-Lyaushkene “bizni Londonga taklif qilishmaganidan norozimiz” deb aytdi, deya xabar beradi AP agentligi.

“Ukrainada barqaror va kafolatlangan tinchlik oʻrnatish yoʻlidagi saʼy-harakatlari uchun barcha doʻstlarimiz va hamkorlarimizdan minnatdorman”, -  deya xulosa qildi Volodimir Zelenskiy.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг