So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Sevikli sementchilar uchun soliq 4 barobarga kamaytiriladimi?
*Maqoladagi fikrlar tahririyat pozitsiyasi bilan toʻgʻri kelmasligi mumkin
Ekologiyamiz, yerimiz, suvimiz, havomizni bulgʻayotgan sement ishlab chiqaruvchilarni hukumatimiz judayam yaxshi koʻradi.
Sementchilarga rasmiylarimizning muhabbati shunchalar balandki, ular oʻzi ishlab chiqqan byudjetnomada sement ishlab chiqarishga moʻljallangan ohaktosh boʻyicha belgilangan 22 500 soʻm soliq stavkasi 1 tonna uchun 11 250 soʻmgacha pasaytirilishi aytilgan boʻlsada, parlamentga kiritilgan qonun loyihasida soliq stavkasini tonnasiga 6 ming soʻm etib belgilash taklif etilgan.
Yaʼni, byudjetda pul yoʻq deb ayyuhannos solinayotgan bir paytda sementchilar uchun soliqlarni 4 barobarga kamaytirishmoqchi.
Nima uchun? Qanday iqtisodiy asoslarda? Benefitsiarlari Xitoy va ofshorlarda boʻlgan sementchilar och qolayaptimi? Yo hattoki qirgʻiz va tojik ishlab chiqaruvchilariga ham raqobatda bardosh bera olishmayaptimi?
Sementchilarga berilayotgan imtiyoz tufayli yoʻqotiladigan bir necha yuz milliard soʻm qanday qoplanadi? Kichik va oʻrta biznes boʻyniga milliardlab jarima yuklash bilanmi? Yoki boshqa tepaga kanali yoʻq bizneslar uchun yangi soliqlar oʻylab topiladimi?
Neft va gaz uchun ikki-uch karra kamaytirilgan soliqlar qanday natija berdi? Kimdir hisobot beradimi? Gaz ham yoʻq, soliq ham yoʻq. Shumidi reja? Darvoqe, xuddi sementchilar singari neft va gaz boʻyicha imtiyoz olganlarning choʻntagi xorijda boʻlganlar ediku, toʻgʻrimi?
Balki sabablar shu bilan bogʻliqdir? Yer osti boyliklaridan chiqadigan rentani chetga tashib ketishni osonlashtirish uchunmi hammasi?
Iqtisodchi Otabek Bakirov
