EFFECT.UZ – ҲАҚИҚАТ УЧУН!
Сўнгги янгиликлар
«Манчестер Юнайтед» Каземирони «Реал»дан сотиб олди. Мадрид бразилиялик футболчи ўрнига кимни танлагани маълум

«Манчестер Юнайтед» Каземирони «Реал»дан сотиб олди. Мадрид бразилиялик футболчи ўрнига кимни танлагани маълум

Мадриднинг “Реал” клуби ярим ҳимояси Каземиро “Манчестер Юнайтед”га ўтди. Манкунианликлар 30 ёшли бразилиялик ярим ҳимоячининг трансфери борасида келишувга эришганини эълон қилди.

Трансфер “Манчестер Юнайтед” ва Каземиро ўртасидаги шахсий шартлар келишуви, Буюк Британия визаси талаблари бажарилиши ва тиббий кўрикдан ўтган ҳолда амалга оширилади. Футболчининг шартномаси бир йилга узайтириш имконияти билан 4 йиллик муддатга имзоланади.

Хабар қилинишича, футболчи Англияда ҳафтасига 350 минг фунт маош олади. Олдинроқ “МЮ” бразилиялик учун 60 миллион евро тўлаши, яна 10 миллиони бонуслар кўринишида тақдим этилиши маълум бўлганди.

Журналист Фабрицио Романонинг сўзларига кўра, гап аслида евро эмас, фунт ҳақида кетмоқда. Шу тариқа, бразилиялик футболчининг Премер-лигага трансфери тахминан жами 82,4 (70,6+11,8) миллион еврога баҳоланмоқда.

Бразилиялик ярим ҳимоячининг маоши баъзи манбалар хабар қилганидек икки баравар кўпаймайди, бироқ “Юнайтед” дарвозабони Давид Де Хеа даражасига етади - ҳафтасига 350 минг фунт стерлингдан ошади. Шу билан бирга, Каземиронинг даромади ўйинларда иштироки, натижалари ва индивидуал кўрсаткичлар билан боғлиқ бонусларга боғлиқ бўлиши айтилмоқда.

Агар “Манчестер Юнайтед” Чемпионлар лигасига чиқса, футболчи бироз кўтарилиш ҳуқуқига эга, аммо жамоа бу турнирни яна ўтказиб юборса, ярим ҳимоячининг маоши сезиларли даражада камаяди.

Маълумот учун, ярим ҳимоячи “Реал Мадрид”га 2013 йилда келиб қўшилган. 2014/15 йилги мавсумни “Порту”да ижара асосида ўйнагач, у Мадридга қайтди ва клубнинг энг асосий футболчисига айланди.

Каземиро Мадридда уч марта Испания чемпионати ва Испания Суперкубоги, бир марта Испания кубоги, беш марта Чемпионлар лигаси ва уч марта Испания Суперкубоги ва клублар ўртасидаги жаҳон чемпионатида ғолиб чиққан. Бразилиялик “Реал” сафида 222 та ўйинда майдонга тушиб, 24 та гол урган.

“Реал” Каземиро ўрнига ярим ҳимоячи “Тоттенхем” футболчиси Пьер-Эмил Хейбергни қўшиб олиши мумкин. The Telegraph хабарига кўра, “Реал” данияликни қўлга киритиш ортидан, Каземирони “Манчестер Юнайтед”га сотган.

Мадридликлар бош мураббийи Карло Анчелотти 27 ёшли футболчининг маҳорати ҳақида юқори фикрда ва у “Эвертон”ни бошқарганида уни ўз сафига қўшиб олишга ҳаракат қилган. Қайд этилишича, Хайбергнинг ЖЧ-2022 олдидан мунтазам ўйин амалиётига эга бўлиш истаги тўсиқ бўлиши мумкин.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING