Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
Ўзбекистон интернет тезлиги бўйича нечанчи ўринда?
«Speedtest Global Index» интернет тезлиги бўйича дунё давлатлари ҳамда шаҳарлари рейтингини эълон қилди.
Унга кўра, форс кўрфазидаги араб мамлакатлари ва шаҳарлари дунёда энг тез мобил интернетдан фойдаланмоқда.
Энг яхши мобил интернетга эга шаҳарлар:
1. Ар-Райян (Қатар) — 417,17 Мбит/с;
2. Дубай (БАА) — 336,57 Мбит/с;
3. Абу-Даби (БАА) — 296,03 Мбит/с.
Топ-10 га кирган шаҳарлар: Лиссабон, Доҳа, Копенгаген, Ар-Риёд, Осло, Шанхай, Пекин.
Гаваналиклар 4,6 мегабит/сония тезликдаги мобил интернет билан рейтингда сўнгги 178-ўринда қайд этди.
Рейтингда Ўзбекистоннинг Самарқанд шаҳри ўзининг ўрнини 5 поғонага яхшилаб 101-ўрнида турибди. Унга кўра, самарқандликлар 39,98 Мбит/с интернетдан фойдаланмоқда.
Пойтахт Тошкент эса рейтингда 106-ўрин билан 7 поғонага пастлаган. Тошкент шаҳридаги интернет тезлиги сониясига 38,09 мегабит тезликни кўрсатяпти.
Энг яхши мобил интернетга эга мамлакатлар рейтингида ҳам шаҳарлар рейтингига мос равишда араб мамлакатлари етакчилик қилмоқда:
1. Қатар — 286,42 Мбит/с;
2. БАА — 284,21 Мбит/с;
3. Қувайт — 216,96 Мбит/с.
Кучли 10 таликнинг қолган ўрнини эса Жанубий Корея, Дания, Хитой, Норвегия, Исландия, Нидерландия, Саудия Арабистони эгаллаб турибди.
Мамлакатлар рейтингининг энг қуйи поғонасини Шарқий Тимор банд қилган, яъни 155-ўрин. Унга кўра, мамлакатдаги ўртача интернет тезлиги 3,34 Мбит/с.
Марказий Осиёда рейтинг бўйича энг юқори тезлик Туркманистонга тегишли бўлиб турибди. У рейтингда 37,23 Мбит/с тезлик билан 69-ўринда турибди. Қозоғистон эса олдинги эълон қилинган натижалардан буён ўзининг ўрнини 1 поғонага бой берган, яъни 71-ўрин (35,71 Мбит/с). Учинчи ўринда эса Қирғизистон сониясига 27,25 мегабит тезлик билан ўрин олган. Унинг рейтингдаги натижаси 4 тага яхшилани, 93-ўринга кўтарилган.
Шунингдек, Ўзбекистон «Speedtest Global Index» рейтингида 101, Марказий Осиёда эса 4-ўринни эгалламоқда. Мамлакатимиз рейтингда 7 поғона пастга тушиб, 26,24 мегабит/сония интернет тезлигига эга.
Тожикистонликлар эса 8,14 Мбит/с интернет тезлигини ишлатишар экан. Бу билан Тожикистон рейтингнинг 151-ўрнидан жой олди.
