АҚШ Туркияга 420 тонна инсонпарвалик ёрдамини жўнатди

Нью-Йоркдан Туркияга ортилган 42 та контейнер 20 кунда келиши кутилмоқда.

АҚШ Туркияга “Nevzat Kalkavan” кемасида 420 тонна инспорварлик ёрдамини жўнатди. Бу ҳақда Anadolu агентлиги хабар бермоқда. 

Маълум бўлишича, Туркиянинг Вашингтондаги элчиси Ҳасан Мурат Мерcан ва Нью-Йорк Бош консули Рейҳан Ўзгур, 420 тонналик инсонпарварлик ёрдами билан “Nevzat Kalkavan” кемасини Туркиядаги фалокат ҳудудига жўнатиш маросимида иштирок этди. Кема Нью-Жерси штатининг Порт-Элизабет шаҳридан сузиб кетди. 

Ўзгур, зилзилалардан кейин Туркиянинг Вашингтондаги элчихонаси раҳбарлигида АҚШда бошланган ёрдам кампаниясида Нью-Йорк, Ню-Жерси, Пенсилвания ва Делавернинг фаол иштирок этганини қайд этди. Бу ҳудудларда, унинг сўзларига кўра, инсонпарварлик ёрдамини йиғиш учун ўнта пункт ташкил этилган. 

Дипломатик миссия раҳбари ёрдам кўрсатишда иштирок этган ва юкларни йиғиш учун ўз омборларини очган барчага миннатдорчилик билдирди. Элчи Мержан Нью-Йорк яқинида йиғилган инсонпарварлик ёрдами 42 та контейнерга ортилганини қайд этди. 

“Туркиянинг Мерсин портига 20 кун ичида жами 46 та контейнер келади”, дея тушунтирди дипломат.

Мерcан, элчихона мақсадининг Туркияга инсонпарварлик ёрдамларининг энг қисқа вақт ичида етказилишини таъминлаш эканлигини қайд этди. 

Элчи, шунингдек, 20 февраль, душанба куни 100 тонна гуманитар ёрдам юкланган юк самолёти Туркияга учишини айтди. Туркия жануби-шарқида содир бўлган даҳшатли зилзила қурбонлари сони 41 мингга  яқинлашди. 

Туркия раҳбари Режеп Тоййип Эрдоған Туркияда табиий офат қурбонлари муносабати билан бутун мамлакат бўйлаб мотам эълон қилди.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг