So`ngi yangiliklar
“Afsuski, ayrim “Ishonch telefonlari” nomiga tashkil qilingan yoki umuman ishlamaydi” – Akmal Burxonov
“Bosim oʻtkazilayotgani toʻgʻrisidagi xabarlar asossiz” – “Oʻzbektelekom” HUMANS ishi boʻyicha munosabat bildirdi
Oʻzbekistonning veterinariya sohasidagi tajribasi xalqaro miqyosda eʼtirof etildi
Turkiyada “Tungi muzeylar” loyihasi iyun oyida yangi mavsumini boshlaydi
Oʻzbekistonga C gepatitiga qarshi dorining joriy yildagi ilk partiyasi olib kelindi
Qibrayliklar oyoqqa turdi. Sababi nima?
5 ming yillik tarixga ega Birgi qishlogʻi haqida nimalar maʼlum?
Iznik: nasroniylikning tirik muzeyi
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Delegatsiyaning tashrifi davomida ikki hudud o‘rtasidagi savdo iqtisodiy va investitsion masalalar atroflicha muhokama etildi, istiqbolli yo‘nalishlarda hamkorlik bo‘yicha muzokaralar olib borildi.
Bugun Tatariston Respublikasi Raisi Rustam Minnixanov Navoiy viloyatiga tashrif buyurdi. Yuqori martabali mehmonni viloyat hokimi Normat Tursunov kutib oldi.
Dastlab, Tatariston Respublikasi delegatsiyasi Navoiy Erkin iqtisodiy zonasidagi Sanoatni rivojlantirish kompleksida bo‘lib, bu yerda Tatariston bilan hamkorlikda qad rostlayotgan maxsus sanoat parkida amalga oshirilayotgan qurilish ishlari bilan yaqindan tanishdi. Rustam Minnixanovga sanoat parkida tashkil etilayotgan loyihalar taqdimoti qilindi.
2023 yilning oktyabrida Qozon shahrida bo‘lib o‘tgan Hududlararo biznes forumida Tataristonning "KIPMASTЕR" AJ kompaniyasi bilan Navoiyda maxsus sanoat parkini tashkil etish bo‘yicha kelishuvlarga erishilgandi. Mazkur sanoat parkida umumiy qiymati 251 mln. AQSH dollari bo‘lgan 19 ta loyihalar amalga oshirilishi rejalashtirilgan bo‘lib, dastlab 140 mln. dollarlik oziq-ovqat sanoati uchun qadoqlash idishlari, jumladan alyuminiy bankalar ishlab chiqarish loyihasi tashkil etilmoqda. Loyiha doirasida yiliga 1,5 mlrd. dona alyuminiy bankalar ishlab chiqariladi va bu yo‘nalishda 200 ta yangi ish o‘rinlari yaratiladi.
Rustam Nurgaliyevich qurilish jarayonidagi mavjud kamchiliklarni bartaraf etish, yangi takliflarni o‘rganish maqsadida mas’ullar bilan fikr almashdi.
Delegatsiyaning Navoiyga tashrifi "Tinchlik Plaza" mehmonxonasida davom etib, ikki hudud o‘rtasidagi savdo iqtisodiy va investitsion masalalar atroflicha muhokama etildi, istiqbolli yo‘nalishlarda hamkorlik bo‘yicha muzokaralar olib borildi.
Tatariston Raisi shu kunning o‘zidayoq Navoiy xalqaro aeroportidan jo‘nab ketdi.
