So`ngi yangiliklar
Samarqandda harakatlanayotgan Tracker-2 yonib ketdi
Ertaga qanday ob-havo boʻladi?
“Toshshahartransxizmat”ning sobiq rahbari qamoqdan ozod etildi
Davlat oliygohlari uchun kvotalar tasdiqlandi
Oʻzbekistonda oʻrtacha oylik maosh 6 mln soʻmga yaqinlashdi
Ikki viloyatda oʻqishga kiritib qoʻyish uchun pora olganlar ushlandi
Avtosugʻurta narxi kamida 4 barobar oshiriladi
Toshkentdagi avariyada 20 yoshli haydovchi halok boʻldi
Kunning yorug‘ vaqtida chiroqlarni yoqib qo‘ygani sababli 442 mansabdorga jarima qo‘llandi
O‘zbekiston Respublikasi Vazirlar Mahkamasi huzuridagi “O‘zenergoinspeksiya” tomonidan elektr energiyasidan samarali foydalanishni ta’minlash maqsadida iste’molchilar o‘rtasida reydlar o‘tkazilmoqda.
Joriy yilda ushbu reydlar natijasida kunning yorug‘ vaqtida yoritish chiroqlaridan samarasiz foydalanish bo‘yicha 2 ming 356 ta holat aniqlandi. Shundan 442 ta holatda mansabdor shaxslarga nisbatan ma’muriy bayonnomalar rasmiylashtirildi, 5 ta korxonaga esa moliyaviy sanksiya qo‘llash bo‘yicha dalolatnomalar tuzildi.
Olib borilgan chora-tadbirlar natijasida jami quvvati 314,2 kVt bo‘lgan elektr qurilmalarining behuda sarflanishi oldi olindi. Bu miqdor 25 ta xonadonning bir oylik o‘rtacha elektr energiyasi iste’moliga teng.
So‘nggi ikki kun ichida o‘tkazilgan reydlarda faqat Toshkent shahrining o‘zida kunning yorug‘ vaqtida chiroqlarni yoqib qo‘yish bilan bog‘liq 264 ta holat qayd etildi.
“O‘zenergoinspeksiya” axborot xizmatining xabar berishicha, elektr energiyasini behuda sarflashga yo‘l qo‘ygan mansabdor shaxslarga bazaviy hisoblash miqdorining (BHM) 5 baravaridan 15 baravarigacha jarima qo‘llaniladi. Bunday holatlarning oldini olish uchun yoritish qurilmalaridan faqat zarur bo‘lgan hollarda foydalanish tavsiya etiladi.
