So`ngi yangiliklar
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Tojikistonning Konibodomida yana to‘rt kishining jasadlari topildi. Mahalliy aholi vahimada
Tahlil qilingan davlat xaridlarida «Davlat xaridlari to‘g‘risida»gi qonunning tegishli modda talablari buzilganlik holatlari aniqlandi
Ichki audit xizmati xodimlarining faoliyati samaradorligini baholash tartibi belgilandi
Bugun havo yanada sovishi kutilmoqda
Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror bekor qilindi
“O‘zbekiston-Xitoy biznes forumi” – Navoiy viloyati delegatsiyasi Xitoyda
Navoiy viloyati hokimi Normat Tursunov Nurota, Xatirchi tumanlari va Zarafshon shahri hokimlari hamrohligida xizmat safari bilan Xitoy Xalq Respublikasida bo‘lib turibdi.
Delegatsiyaning ilk uchrashuvi Chendu shahrida bo‘lib o‘tayotgan “O‘zbekiston-Xitoy biznes forumi” doirasida Guansi-Chjuan avtonom hududining Qishloq xo‘jaligi departamenti rahbari Veng Liping va Guansi qishloq xo‘jaligi universiteti prezidenti professor Li Siangong bilan bo‘ldi.
Guansi-Chjuan avtonom hududi qishloq xo‘jaligiga ixtisoslashgan hudud hisoblanib, meva va bambuk yetishtirish bo‘yicha 1-o‘rin, sabzavot yetishtirish bo‘yicha 2-o‘rin, chorva va baliq go‘shtini yetishtirish bo‘yicha 7-o‘rin, o‘rdak va tovuq go‘shtini yetishtirish bo‘yicha 4-o‘rin hamda dengiz mahsulotlarini yetishtirish bo‘yicha yetakchi o‘rinlarni egallaydi.
Uchrashuv davomida Navoiy viloyatida qishloq xo‘jaligini rivojlantirish, xususan, suv tejash texnologiyalarini joriy etish orqali cho‘llanishning oldini olish, issiqqa chidamli va cho‘llarda o‘sadigan o‘simliklarni o‘zlashtirish, urug‘chilikni rivojlantirish, qishloq xo‘jaligi sohasida kadrlar tayyorlash, chorvachilik sohasida hamkorlik masalalari muhokama qilindi.
Jarayonda viloyatning qishloq xo‘jaligi salohiyati to‘g‘risida xitoyliklarga batafsil ma’lumotlar berildi hamda viloyatda meva-sabzavot mahsulotlarini yetishtirish, shu jumladan, uzum, shaftoli, olma, nok, o‘rik, mosh, qalampir va boshqa qishloq xo‘jaligi mahsulotlarini yetishtirib, eksportga chiqarish, shuningdek, suvni tejash texnologiyalarini joriy etish masalalari muhokama etildi.
So‘ng delegatsiya O‘zbekiston hududlari - Xitoy Sichuan provinsiyasi: savdo iqtisodiy va investitsiyalar forumi ochilish marosimida ishtirok etdi. Marosimda Navoiy viloyati hokimi Normat Tursunov nutq so‘zladi.
“O‘zbekiston-Xitoy biznes forumi” doirasida Normat Tursunov Xitoy Kommunistik partiyasi Sichuan viloyati qo‘mitasi kotibi, Sichuan viloyat Xalq Kongressi doimiy qo‘mitasi direktori Van Syaoxuey hamda qo‘mitaning bir guruh a’zolari bilan uchrashuv o‘tkazdi.
Uchrashuvda ikki hudud o‘rtasidagi savdo-iqtisodiy, ijtimoiy, madaniy-gumanitar, turizm va logistika sohalarida hamkorlik hamda kelgusida birodarlik bitimini imzolash bo‘yicha kelishuvlarga erishildi.
Navoiy viloyati delegatsiyasining Xitoy safari davom etmoqda.
