So`ngi yangiliklar
Istanbul 18–21 sentyabrda Bosfor Kubogi 2025 qayiqlar poygasiga mezbonlik qiladi
Hamyurtimiz “Yuksak ehtirom” xalqaro esdalik ko‘krak nishoni bilan taqdirlandi
Farg‘ona dehqon bozoridagi narx-navo xalq uchunmi yoki…
Sentyabrdan boshlab migrantlar ilova orqali kuzatiladi
Kasb va xorijiy tillarga oʻqitish uchun vaucher berish tartibi belgilandi
Kasb va xorijiy tillarga oʻqitish uchun vaucher berish tartibi belgilandi
Fargʻonada uy bogʻchasida 43 nafar bolaga noqonuniy diniy saboq berib kelingani aniqlandi
Oʻzbekiston va Iordaniya oʻrtasida 15 ta hujjat imzolandi
“Xitoyda noodatiy yoki nomaʼlum virus oʻchoqlari aniqlangani yoʻq” — JSST eksperti
Soʻnggi haftalarda Xitoyda nomaʼlum virus tufayli bolalar oʻrtasida zotiljam (pnevmoniya) kasalligiga chalinish holatlari keskin koʻpaygani haqida xabarlar tarqalayotgandi.
Vaziyatga oydinlik kiritish maqsadida Jahon sogʻliqni saqlash tashkiloti Xitoy Milliy sogʻliqni saqlash komissiyasiga rasmiy soʻrov yoʻlladi.
JSSTning masʼul vakili Mariya Van Kerxove xastalik oʻchoqlari yuzasidan taqdim etilgan maʼlumotlarni tahlil qilar ekan, Xitoyda bolalar oʻrtasida pnevmoniya bilan kasallanish holatlari koʻpayishiga sabab boʻlgan noodatiy yoki yangi patogenlar aniqlanmaganini taʼkidladi.
Mutaxassis xulosasiga koʻra, nafas olish yoʻllari xastaliklari koʻpayishi mamlakatda COVID-19 cheklovlari bekor qilinishi hamda mavjud infeksiyalarning mavsumiy qoʻzgʻalishi bilan bogʻliq.
Shunga qaramay, hozirgi epidemiya 2018-2019-yillardagi singari oʻtkir bosqichda emas. Oʻz navbatida, yangi turdagi virus oʻchoqlari paydo boʻlishiga aloqador alomatlar qayd etilgani yoʻq.
Xitoy Milliy sogʻliqni saqlash komissiyasi vakili Mi Fenning bayonoti ham shu mazmunda boʻldi. Qayd etilishicha, mamlakatda oʻtkir respirator kasalliklarning kuchayishi bir vaqtning oʻzida bir necha turdagi patogenlar sirkulyatsiyasi bilan bogʻliq. Ular orasida asosiysi grippdir.
