So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
AQSHda poyezd relsdan chiqib ketdi
Birgina fevral oyining oʻzida Ogayo shtatida ikki marotaba “Norfolk Southern” kompaniyasiga tegishli poyezdlar relsdan chiqib ketdi.
.jpg)
Amerikaning “Norfolk Southern” transport kompaniyasining yuk poyezdi shanba kuni Klark okrugida (Ogayo shtati) relsdan chiqib ketdi. Bu haqda NBC telekanalining mahalliy boʻlimi xabar berdi.
“Klark okrugi Favqulodda vaziyatlar boshqarmasi poyezd relsdan chiqib ketgan hududdan 1000 fut radiusda joylashgan aholidan ehtiyot chorasi sifatida oʻz joyida boshpana topishlarini soʻraydi”, — deyiladi tumanning Facebookʻdagi sahifasida.
Voqea joyida oʻt oʻchiruvchilar va politsiya xodimlari borligi aytilmoqda.
“Norfolk Southern” kompaniyasi vakilining soʻzlariga koʻra, 20 ga yaqin vagon relsdan chiqib ketgan va hech kim jabrlanmagan. Poyezdda xavfli moddalar boʻlmagan. Hozirda korxona xodimlari tozalash ishlarini olib borish uchun mazkur hududga joʻnatilgan.
Reuters xabariga koʻra, avariya sodir boʻlgan hududda elektr uzatish liniyalari ustunlari qulashi sababli elektr taʼminotida uzilishlar kuzatilgan.
Eslatib oʻtamiz, Ogayo shtatida 3-fevral kuni kimyoviy moddalar olib ketayotgan “Norfolk Southern” poyezdining 50 ga yaqin vagoni relsdan chiqib ketdi. Natijada yongʻin sodir boʻlgan. Baʼzi poyezd vagonlarida xavfli moddalar, xususan, zaharli vinilxlorid bor edi.
