Тошкентнинг "Локомотив" клуби 2021 йилнинг 15 декабридан бери бош мураббий сифатида ишлаб келаётган Денис Коростиченко истеъфога чиқарди. Бу ҳақида клуб матбуот хизмати хабар бермоқда.

Шунингдек, мураббийлар штабида ишлаб келган Андрей Микляев ҳам клуб томонидан ишдан бўшатилди.

Денис Коростиченконинг истеъфога чиқишига "Локомотив"нинг Суперлигада кўрсатаётган натижалари сабаб бўлган. 

Айни пайтда "темирйўлчилар" Суперлига 16-тур якунларига кўра, 17 очко билан турнир жадвалида 10-ўринни эгаллаб туришибди. "Локо" ҳисобида 5 ғалаба, 2 дуранг ва 9та мағлубият бўлиб, тўплар нисбати 13-21 кўриниш олган.

Маълумот учун, Денис Коростиченко бундан буён «Локомотив» болалар футбол мактаби тизимида фаолият олиб боради.