So`ngi yangiliklar
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
Oltinning narxi tarixiy rekord darajaga oshdi
Markaziy Osiyolik migrantlar Rossiya oʻrniga Xitoy, Koreya va Yevropani tanlamoqda. Sababi nimada?
Putin Ukraina bilan toʻgʻridan toʻgʻri muzokaralarni taklif qildi: Kiyev qanday javob qaytaradi?
Nizomiy nomidagi Toshkent davlat pedagogika universiteti endilikda O‘zbekiston milliy pedagogika universiteti deb nomlanadi
“Samolyotda bomba bor” — Permdan Goaga uchayotgan samolyot favqulodda Oʻzbekistonga qoʻndi
Samolyot bortida 240 ga yaqin odam boʻlgan va bunday holat ikkinchi marta kuzatilmoqda.
Permdan Goaga yoʻl olgan Azur Air samolyoti bortida portlovchi qurilma borligi haqidagi xabar tufayli Hindistonga kiritilmadi, u Oʻzbekistonga qoʻndi.
SMS-xabar Boeing 757 Azur Air samolyoti Afgʻoniston ustidan uchib oʻtayotganida aviakompaniya va Goa aeroporti vakili elektron pochtasiga yuborilgan. Unda yoʻlovchilardan birining noutbukining akkumulyator boʻlinmasida portlovchi qurilma borligi aytilgan.
Hindiston aviatsiya maʼmurlari zudlik bilan samolyotning mamlakat havo hududiga kirishini taqiqladi. Shundan soʻng, uchuvchilar Termiz aerodromida Oʻzbekistonga qoʻnishga qaror qilishdi. Samolyot bortida 231 yoʻlovchi va 7 nafar ekipaj aʼzosi boʻlgan.
Favqulodda qoʻngach, havo kemasi, yoʻlovchilarning bagaji va qoʻl yuki aeroport xavfsizlik xizmati xodimlari tomonidan sinchkovlik bilan koʻzdan kechirilgach, hech qanday xavfli moddalar yoki qurilmalar topilmadi.
Samolyot Termizda sakkiz soatdan beri qolmoqda. Aviakompaniya Moskva vaqti bilan soat 17:00 ga rejalashtirilgan Goaga joʻnab ketishni kutayotgan yoʻlovchilarni mehmonxonaga joylashtirish uchun barcha imkoniyatlarni ishga solayotganini aytdi.
9-yanvar kuni Rossiyaning Azur Air aviakompaniyasining Moskva-Goa yoʻnalishida 244 nafar yoʻlovchi va ekipaj aʼzolari bilan parvoz qilayotgan samolyoti bortidagi yolgʻon bomba xabari tufayli Hindistonning Gujarat shtatiga favqulodda qoʻnishni amalga oshirgan.
Eslatib oʻtamiz, avvalroq Moskvadan Goaga uchayotgan samolyot mast yoʻlovchi sababli Urganchga qoʻnishga majbur boʻlgan edi.
