So`ngi yangiliklar
Istanbuldagi zilzila sabab Oʻzbekiston fuqarosi vafot etgani maʼlum boʻldi
Gurbanguli Berdimuhamedov “Oliy Darajali Doʻstlik” ordeni bilan mukofotlandi
Oʻzboshimchalik bilan tabiiy gaz tarmogʻiga ulangan fuqaro jamiyat va davlatga 263 million soʻm zarar yetkazdi
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
Oltinning narxi tarixiy rekord darajaga oshdi
“Daraxtlarni asrash maqsadida tirgaklar oʻrnatishga doir topshiriq berildi” – Tabiat resurslari vaziri Aziz Abduhakimov
Tabiat resurslari vaziri Aziz Abduhakimov ogʻir ob-havo sharoitida qulagan daraxtlarni asrab-avaylab, tiklash maqsadida tayanch tirgaklari oʻrnatishga doir topshiriq berilganini qayd etib, tabiatni asrashga doir aksiyalar oʻtkazayotgan tashkilotlarga oʻz minnatdorchiligimni bildirdi.
“Shu kunlarda Oʻzbekistonda kuzatilayotgan kuchli qor yogʻishi va past harorat, afsuski, koʻkalamzorlashtirishga, ayniqsa, ignabargli daraxtlarning ayrim turlari va keng bargli daraxtlarning yosh koʻchatlariga salbiy taʼsir koʻrsatdi.
Tuproqning namlik bilan haddan tashqari toʻyinganligi, shuningdek, moʻl-koʻl qor massasi tufayli daraxtlar qattiq egilib, ularning aksariyati qulaganiga guvoh boʻlyapmiz.
Shaharlarimiz koʻchalaridagi yashil maydonlar respublikamizning bebaho ekologik, rekreatsion va imidj boyligi ekanligini alohida taʼkidlamoqchiman
Maʼlumki, minimal miqdordagi oʻsimliklarga ega boʻlgan urbanizatsiyalashgan muhit fuqarolarning jismoniy va ruhiy farovonligiga taʼsir koʻrsatadi, charchoq, asab tizimining buzilishini keltirib chiqaradi, qariyalar, bolalar, homilador ayollarning sogʻligʻiga jiddiy tahdid solishi mumkin va umuman, har bir insonning jismoniy holatiga salbiy taʼsir qiladi.
Orol fojiasi tufayli yanada kuchaygan quruq, issiq iqlimimiz sharoitida har bir daraxt, har bir buta ekologik muvozanat va fuqarolar salomatligi uchun muhim ahamiyatga ega.
Shu bois, barcha hududlardagi masʼullarga shikastlangan daraxtlarga yordam berish, yaʼni har bir qulagan daraxtni asrab-avaylab, tiklash maqsadida tayanch tirgaklari oʻrnatishga doir topshiriq berildi.
Fursatdan foydalanib, qorli kunlarda daraxtlar taqdiriga befarq boʻlmagan yurtdoshlarimiz va tabiatni asrashga doir aksiyalar oʻtkazayotgan tashkilotlarga oʻz minnatdorchiligimni bildiraman.
Shuningdek, barcha fuqarolarimizni uylari yaqinidagi va mahallalaridagi qulagan daraxtlarni imkon doirasida tiklashga chaqiramiz. Bundan tashqari, Oʻzbekiston hududida mavjud qushlarga gʻamxoʻrlik qilish, ularga don ulashish va uyalar qurishga chorlab qolamiz.
Shu yoʻl bilan biz tabiat resurslarimizni asrab, shaharlarimizni yanada obod boʻlishiga oʻz hissamizni qoʻshgan boʻlamiz”, deya murojaat qilgan Tabiat resurslari vaziri Aziz Abduhakimov.
