Abduqodir Moʻminovga hujum qilganlar qidirilmoqda. Voqea joyidan besh kishining barmoq izi topilgan

Ushbu jinoyatni fosh etish maqsadida malakali xodimlardan iborat tergov-tezkor guruhi tuzildi.

“Koʻzgu” Axborot agentligi jurnalisti Abduqodir Moʻminovga suiqasd uyushtirildi. Mazkur holat yuzasidan Toshkent shahar IIB axborot xizmati maʼlumot berdi.

Maʼlum boʻlishicha, joriy yilning 23-dekabr kuni taxminan soat 22:30 larda fuqaro Abduqodir Moʻminov “102” raqamiga qoʻngʻiroq qilib, Yashnobod tumanida nomaʼlum shaxslar uni urib tan jarohati yetkazib, unga tegishli boʻlgan “Samsung S21 Ultra” rusumli uyali aloqa vositasini olib ketishganliginini, shuningdek uning avtomashinasiga qattiq jism bilan urib shikast yetkazishganligini maʼlum qilgan.

Mazkur xabar asosida voqea joyiga tergov-tezkor guruhi chiqib, barcha zaruriy tergov-tezkor harakatlari olib borilgan va xolislar ishtirokida voqea joyidan 5 dona qoʻl barmoq izi va 1 dona beysbol bitasi dalililiy ashyo sifatida hujjatlashtirib olingan.

Shuningdek, fuqaro Moʻminovdan bir dona fleshkadagi videoyozuvlar tekshirib qoʻrish uchun protsessual tarbida olingan.

Qayd etilgan holat yuzasidan Oʻzbekiston Respublikasi Jinoyat Kodeksining 164-moddasi (“Bosqinchilik”) bilan jinoyat ishi qoʻzgʻatilib, tergov harakatlariga kirishilgan.

Toshket shahar IIBB rahbariyatining topshirigʻa koʻra, ushbu jinoyatni fosh etish maqsadida malakali xodimlardan iborat tergov-tezkor guruhi tuzilib, Toshkent shahar IIBB huzuridagi Tergov boshqarmasi tomonidan barcha zarur tergov va tezkor-qidiruv harakatlari oʻtkazilmoqda

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг