So`ngi yangiliklar
Turkiya Prezidentligi veloturiga 27-aprelda start beriladi
Istanbuldagi zilzila sabab Oʻzbekiston fuqarosi vafot etgani maʼlum boʻldi
Gurbanguli Berdimuhamedov “Oliy Darajali Doʻstlik” ordeni bilan mukofotlandi
Oʻzboshimchalik bilan tabiiy gaz tarmogʻiga ulangan fuqaro jamiyat va davlatga 263 million soʻm zarar yetkazdi
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
O‘zbekistonda turizm turlarini rivojlantirish masalasi muhokama qilindi
Panel sessiyada tashrif buyuruvchilarga noyob kitoblar, esdalik sovg‘alari, ma’ruzachilarning qo‘llanmalari topshirildi.
.jpg)
Toshkent shahrida “Ipak yo‘lida turizm” 27-Toshkent xalqaro turizm yarmarkasi doirasida “O‘zbekistonda turizm turlarini rivojlantirish” mavzusiga bag‘ishlangan panel sessiyasi bo‘lib o‘tdi.
Panel sessiyada ma’ruzachilar sifatida Orolni qutqarish xalqaro jamg‘armasi (MFСА) Loyihasini amalga oshirish agentligi, Vladimir viloyati madaniyat boshqarmasi (Rossiya), “Amirsoy Resort” kurorti, “AKFA Medline” ko‘p tarmoqli tibbiyot markazi, “Wellness Park Hotels” butik mehmonxonalari, “Silk Road Samarkand” xalqaro sayyohlik majmuasi, Dubay hukumatining Rossiya Federatsiyasidagi Turizm va tijorat marketingi departamenti vakillari ishtirok etdilar.
Mazkur sessiyada O‘zbekistonni yangi sayyohlik yo‘nalishi sifatida targ‘ib etishning asosiy masalalari muhokama qilindi. Mamlakatimizga xorijiy sayyohlar oqimini ko‘paytirish uchun turizmning turlarini rivojlantirish bu boradagi ishlarda muhim omil bo‘layotgani ta’kidlandi.
Ma’lumot uchun, sessiyada 200 ga yaqin ishtirokchi qatnashdi. Unda tarixiy-ma’rifiy, ekologik, davolash-sog‘lomlashtirish, tog‘-chang‘i turizmini rivojlantirish bo‘yicha dolzarb vazifalar ko‘tarilib, turizmning yangi yo‘nalishlari, sohadagi dolzarb muammolar belgilab olindi, yangi maskanlar salohiyati baholandi, mazkur yo‘nalishda taqdim etilayotgan imtiyozlar belgilandi.
“Yangi O‘zbekistonda davlat tomonidan MICE turizmiga alohida e’tibor qaratilmoqda, buning natijasida mamlakatingiz yangi ilg‘or bosqichga ko‘tarila boshladi, o‘zining sayyohlik salohiyatini jahon hamjamiyatida namoyish etmoqda. Shu bilan birga, “Ipak yo‘lidagi turizm” Toshkent xalqaro sayyohlik yarmarkasi turizm industriyasidagi eng yirik tadbirlardan biridir”, – dedi MFСА agentligi rahbari Vadim Sokolov o‘z nutqida.
“Amirsoy” dam olish maskani tijorat direktori Davronbek Niyozov esa “Bugun O‘zbekiston ko‘plab sayyohlar uchun tog‘-chang‘i uchish joyiga aylangani”ni qo‘shimcha qildi.
Bundan tashqari, xorijiy vakillar Anna Yastrebova va Andrey Sotnikov BAA, Rossiya kabi mamlakatlar tajribasi bilan o‘rtoqlashtirgan holda, mamlakat sayyohlik salohiyatini rivojlantirishning yangi tendensiyalarini taklif qildi.
Panel sessiyada tashrif buyuruvchilarga noyob kitoblar, esdalik sovg‘alari, ma’ruzachilarning qo‘llanmalari topshirildi. Qolaversa, sessiya yakunida ochiq B2B uchrashuvlari o‘tkazilib, memorandumlar imzolandi.
