So`ngi yangiliklar
“Oʻqituvchilarga imtiyozli avtokredit orqali avtomobillarni sotishga tayyormiz” – “Oʻzavtosanoat”
Aydar–Arnasoy koʻllar tizimi – kimning tizginida?
SSP raisi oʻrinbosari Nodira Shotursunova Namanganda faol va tashabbuskor ayol tadbirkorlar bilan uchrashdi
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
O‘zbekiston Oshpazlar uyushmasi “Gastro Antaliya 2022” xalqaro pazandalik chempionatida sovrindor bo‘ldi
“Gastro Antaliya 2022” chempionati 32 davlatdan 600 dan ortiq ishtirokchilarni qamrab olgan Turkiyadagi eng yirik va eng nufuzli musobaqaga aylandi.
O‘zbekiston Oshpazlar uyushmasi jamoasi joriy yilning 17–20-noyabr kunlari Turkiyada (Antaliya) oʻtkazilgan “Gastro Antaliya 2022” xalqaro pazandalik chempionatida ishtirok etdi.
"Gastro Antaliya 2022" oshpazlik chempionatida dunyoning turli burchaklaridan, xususan, Isroil, Italiya, Serbiya, Germaniya, Rossiya, Dogʻiston, Ozarbayjon, Qozogʻiston, Ispaniya, Turkiya va boshqa koʻplab davlatlardan tashrif buyurgan oshpazlar, shuningdek, oliy toifadagi hakamlar ham ishtirok etishdi.
Ma’lumot oʻrnida qayd etish joizki, ushbu chempionat 2021-yilda pandemiya sababli cheklangan ishtirokchilar bilan oʻtkazilgan. “Gastro Antaliya 2022” chempionati 32 davlatdan 600 dan ortiq ishtirokchilarni qamrab olgan Turkiyadagi eng yirik va eng nufuzli musobaqaga aylandi.
Oʻzbekiston Oshpazlar uyushmasi jamoasi chempionat yakuniga koʻra 4 ta medalni qoʻlga kiritdi. Jumladan, Shoxruzxon Ibragimov “Baliqli taom” nominatsiyasi boʻyicha 1-oʻrin (oltin medal) va “Zamonaviy oshxona – goʻshtli taom” nominatsiyasi boʻyicha 2-oʻrin (kumush medal), Elerbek Mirboboyev esa “Yilning oltin oshpazi” nominatsiyasi boʻyicha 1-oʻrin (oltin medal) va “Pasta” nominatsiyasida 2-oʻrin (kumush medal) sohibi boʻlishdi.
Ma'lumot uchun, yurtimizda gastroturizmni rivojlantirish borasida qator ishlar amalga oshirilmoqda. Xususan, yaqinda Mo‘ynoq va Samarqand shaharlarida Turizm va madaniy meros vazirligi tomonidan gastrofestivallar o‘tkazildi.
.jpg)