So`ngi yangiliklar
Suv xoʻjaligi yoki pul xoʻjaligi: Kattalarning vaʼdalari suvga qoʻshilib oqib ketdimi?
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
O‘zbekistonda fuqarolarni arxivlarga yuborish hollariga barham beriladi
Endilikda “O‘zarxiv” ma’lumotnomalarini taqdim etish davlat xizmatlari markazlari yoki Yagona portal orqali amalga oshiriladi.
Fuqaroning ish haqlari va ish stajlarini tasdiqlash to‘g‘risidagi arxiv ma’lumotnomalarini taqdim etish yuzasidan rasmiy xat kiritish, fuqarolarni arxivlarga yuborishi hollariga barham beriladi.
Bu haqda AOKAda o‘tkazilgan brifingda "O‘zarxiv" agentligi axborot xizmati rahbari Anvarjon Aliyev ma’lum qildi.
“O‘zarxiv” agentligi tizimidagi arxivlar:
Fuqarolarning ish haqi va ish stajini hamda yaroqsiz holatga kelgan yoki yo‘qotilgan mehnat daftarchasidagi yozuvlarni tasdiqlash to‘g‘risidagi arxiv ma’lumotnomalarini taqdim etishni qat’iy ravishda davlat xizmatlari markazlari yoki Yagona portal orqali ko‘rsatadi;
pensiya tayinlashda axborot tizimlarida zarur ma’lumotlar mavjud bo‘lmaganda, Pensiya jamg‘armasi bo‘limi tomonidan to‘g‘ridan to‘g‘ri Yagona portalda (arm.gov.uz) ochilgan shaxsiy kabinet orqali Idoralararo integratsiyalashgan platforma yordamida yo‘llagan so‘rovi asosida “my.archive.uz” dasturi orqali QR-kodli arxiv ma’lumotnomalari elektron shaklida taqdim etiladi;
Ma’muriy reglamentlar bilan tartibga solingan davlat xizmatlari bo‘yicha fuqarolarga muhr qo‘yilgan va imzo chekilgan arxiv ma’lumotnomalarini taqdim etish amaliyotiga barham berilmoqda.
Bunda, fuqarolarning huquqlari va qonuniy manfaatlarini ta’minlash yuzasidan xorijdan kelib tushgan so‘rovlar mustasno.
Ma’lumot uchun, joriy yilning 1-yarim yillik hisobot davrida arxivlar tomonidan fuqrolarning ijtimoiy-huquqiy mazmundagi 250 mingdan ziyod so‘rovlari ijrosi ta’minlangan bo‘lsa, shundan qariyib 20 foizi arxivlarga fuqarolarning to‘g‘ridan to‘g‘ri murojaati asosida amalga oshirilgan.
Shuningdek, yurtdoshlarimizdan arxivlar tomonidan mazkur tartib buzilishi guvohi bo‘lsa yoki g‘ayriqonuniy xatti-harakatlar sodir etilganda “O‘zarxiv” agentligining 55-50-301-50 raqamli “Ishonch telefoni” yoki “antikor_archive_bot” orqali xabar berishlari so‘ralmoqda.
